Reportajen Silvino Freitas
Kandidatu Prezidente Repúblika (PR) ho númeru 7, Milena Pires prefere liu ba programa importante rua maka atu hatuur Prezidente iha povu nia leet, tau konxiénsia prioridade ba dezigualdade sosiál, no injustisa sosiál ne’ebé akontese iha RDTL, karik eleitu hodi tuur iha ai-tarak laran.
“Hau iha programa prioridade 5 maibe hau prefere liu ba 2 mak primeiro atu lori presidensia ba besik povu, fiar katak Prezidente nia fatin la los iha ai-tarak laran de’it, presiza lori duni Prezidente ba atu hatuur iha povu nia leet, rona no komprende didi’ak impaktu dezenvolvimentu ba povu nia moris lor-loron, halo diálogu konstante ho governu hodi fokus didi’ak ba nesesidade ne’ebé povu enfrenta” dehan Milena hafoin sai oradór ba seminariu iha Kampus FCS-UNTL Kaikoli,(23/02).
Tuir nia nu’udar Xefe Estadu tau mos konxiénsia ba dezigualdade sosiál no injustisa sosiál ne’ebé RDTL daudaun ne’e enfrenta.
“Programa importante ida seluk mak sai prezidente republika tenki sai konsensia ba dezigualdade sosiál, no injustisa sosiál hotu ne’ebé lao iha rai laran, no uza podér xefe estadu majistratura influensia tomak, hodi influensia polítika publika iha area idak-idak” nia esplika.
Tamba ne’e Milena sujere ba eleitór tomak espesiálmente nia feto maluk, atu hili feto mak sai Xefe Estadu, tanba feto maka bele komprende didi’ak, saida mak feto presiza
