Reportajen hus estudante estajiadu UNTL Joselina dos Santos
Ministra Saúde hamutuk ho parseira From St John Of God Social Outreach realiza serimónia Lansamentu ba Programa Dezenvolvimentu Enfermajen (PDE), 2022-2025, hodi halo aprosimasaun ba dezenvolvimentu ne’ebé estavel no sustentável, ba emfremeira no Parteira sira Timor-Leste atu bele fasilita pasiente sira ho di’ak.
Iha diskursu ne’ Diretóra Saúde Internasionál Servisu Sosiál SJG Anthea Ramos hatete, Hafoin liu tiha tinan 2 ho balu pesoalmente nia envolve ona iha Programa dezde tinan 2004 nomeada kontinua Diretóra desde tinan 2019, iha tempu ne’eba nia haree Timor nia kapasidade iha dezenvolvimentu no kresimentu saúde, kontente tebes ho nia ekipa São João de Deus tanba bele hola parte iha progresu ida ne’e.
“Iha tinan 2004 até 2018 ami hala’o ona Programa Dezenvolvimentu Patolojia ami ne’ebé introdus teste automatiku iha ANGV, laboratóriu nasionál no hospita referal 5 ne’ebe iha ona kapasidade ho signifikante. Ami mos introdus sistema informasaun laboratóriu nian, serbisu hamutuk ho laboratóriu nasionál no mos laboratoriu ANGV nian,” dehan Diretóra Saúde Internasionál Servisu Sosiál SJG Anthea Ramos iha diskursu lansamentu iha salaun Palacio dos Cinzas 01/06.
Nia dehan dezenvolvimentu enfermajen hahu iha tinan 2010 hafoin hetan konvite husi Ministériu Saúde, iha faze dahuluk husi programa ne’e hahu husi 2010 até 2015, tanba ne’e sira presiza tempu barak hodi konstrui relasaun konfiansa sira, komprende nesesidade ANGV nian no halo advokasia ba diretór enfermajen no parteira ba ekipa enfermeiru no parteira edukadór sira iha hospital.
“Wainhira atu remata faze dahuluk ami hahu troka ami nia abordajen ou aprosimasaun hodi inklui aspetu lideransa no governasaun padraun kualidade no aprendizajen dezenvolvimentu, sira ne’e mak ami hanaran pilar dezenvolvimentu estavel no sustentavel,” nia relata.
Nune’e hahu halo dezenvolvimentu ba programa estandarizadu sira ne’ebe hetan aprovasaun husi INS, programa ne’e sira melhora no kuidadu mais esperensia pasiente nian, no responde ba pillar 3 tuir sira nia dezeñu mak hanesan, programa kompeténsia prinsipál Programa jerente Saúde, no programa ba enfermeira parteira foun sira no programa dezenvolvimentu edukadór no programa asegura kualidade.
