Home Notisia MAP Kontinua Distribui Ikan Nila Ba Komunidade Sira Atu Hakiak

MAP Kontinua Distribui Ikan Nila Ba Komunidade Sira Atu Hakiak

442
0
Diretór Jerál Peska, Acacio Guterres. [Foto: Silvino | 24.02.2022

Reportajen Silvino Freitas

Ministériu Agrikultura Peska(MAP) nafatin distribui fini ikan Nila ba munisipiu hotu, ne’ebé prepara ona kolam-ikan 1200, ho kuaze hektar 21 iha territóriu nasionál atu bele hakiak.

Tuir Diretór Jerál Peska, Acacio Guterres hateten daudaun ne’e MAP prepara ona fini ikan iha munisipiu 3 nunee iha tempu badak bele distribui ba munisípiu hodi hakiak.

“To’o agora komunidade sira kontinua husu ikan-oan tamba ne’e ami produz ona fini ikan ho espésie nila iha Manufahi, Gleno no Maubara nune bele distribui ba munisípiu hotu” dehan Diretór Jerál Peska Acacio iha MAP Comoro,(24/02).

Diretór ne’e garante bainhira koleta bele garante folin diak iha merkadu tanba maioria komunidade konsumu ikan barak no ikan hirak ne’ebé kolleta seidauk bele esporta ba rai-liur maibé fa’an de’it iha merkadu nasionál.

“Daudaun ne’e prepara ona atu kolleta tonelada kuaze 6, tamba haree hahan ikan ne’ebé mak la dun diak entaun tempu kolleta ne’e lori tinan, karik hahan ikan nia diak bele kolleta iha fulan 4 ou 5” nia konklui.

Print Friendly, PDF & Email

LEAVE A REPLY

Please enter your comment!
Please enter your name here