Reportajen Silvino Freitas
Liuhusi semináriu ho tema “hamutuk ho frente urbana ita tau lesuk hanoin ba polítika dezenvolvimento nasionál, hodi lori moris di’ak ba povu” oradora Domingas ‘Mikato’ Alves hateten, polítika ne’ebé VIII governo hamosu, hodi subsidia inan isin-rua sira ne’e nia diskorda tanba iha kuensikuénsia ladi’ak ba oan sira tuir mai.
Tuir Micato iha programa foun husi VIII governo nian mak bolsa da mae, nova gerasaun hodi asegura nutrisaun ba labarik ne’e atu dehan katak, ema ne’ebé kondisaun isin-rua tau naran hodi hetan osan nune’e labarik ne’ebé iha isin bele iha nutrisaun di’ak, nune’e iha aspetu balun pozetivu no iha aspetu balun ladun di’ak, tanba ema hotu hakarak isin-rua hodi bele hetan osan.
“Ha’u krítika fortemente polítika ida ne’e iha Ministra no Vise-Ministra nia oin, ha’u ko’alia duni ba oitavu governo, imi halo imi nia poltika imi la hanoin to’o ida ne’e feto ida isin-rua simu osan, depois se mak atu haree tan oan sira ba oin la hanoin to’o ida ne’e” dehan Micato iha oradora ba semináriu iha salaun CNE Lalini Larigutu, (30/06).
Nia dehan, polítika refere nia diskorda tanba kuandu hala’o polítika ida, tenke haree lai nia kuensikuénsia, presiza haree no investiga didi’ak nia kondisaun mak foin bele fó osan.
