Reportajen David da Costa
Governu Timor-Leste sei harii tore tolu iha Minisípiu Ainaro, Lospalos no Bobonaro, hodi halo dijitalizasaun ba iha Radio Televizasaun Timor-Leste (RTTL), no governu sei gasta osan $1 milaun resin.
Ministru ba Asuntu Parlamentares no Komunikasaun Sosial (MAPKOMS), Francisco Martins da Costa Jeronim hateten ohin aprezenta ba Primeiru Ministru (PM) Taur Matan Ruak, kona-ba konstrusaun tore ne’ebé tenke halo iha tempu badak,maibé atu inisia projetu ne’e tenke dezmobilizasaun materiál iha fatin, liuliu ba iha Munisipiu Lospalos, Ainaro nomós ba iha Bobonaro.
“Hau husu Primeiru Ministru, iha 23 Marsu nia atu ba Lospalos, hodi tau hela lansamentu primeira pedra ba tore tolu ne’ebé maka atu halo iha Timor. Ho ida ne’e PM konkorda ona iha loron 23 Marsu,” dehan Ministru ba Assuntus Parlamentares no Komunikasaun Sosiál (MAPKOM), Francisco Martins da Costa Jerónimo bainhira Enkontru regular ho Primeiru Ministru, Taur Matan Ruak, iha iha Palásiu Governu, Segunda 27/02
Nia hatuir, tore tolu ne’ebé atu ba dijitalizasaun Radio Televizasaun Timor-Leste, atu atende programa diversifikasaun fali Radio Televizaun Timor-Leste nian.
“Entaun infraestrutura sai savi, para atu bele diversifika Radio Televizasaun Timor-Leste, husi análogu ba iha Digital, ne’ebé maka ita uza dijitalizasaun multimedia trestre ita la uza satélite, ne’e maka ita halo,” nia esplika
Nia salienta, tore tolu ne’e maka hahu daudaun ona, hela tolu maka prepara hela dezeñu, sei iha posibilidade para halo lansamentu tan, maibé ne’e hanoin sei iha hela Sentru Nasional aprovisonamentu (SNA). Maibé tore tolu atu lansa ne’e kontratu asina ona ho kampañia PT. Global Citra Tani.
Tore tolu ne’ebe atu lansa ne’e ida sei tau iha Munisípiu Lospalos Naunil, ida iha Ainaro Maubisse Felixa ninian no seluk iha Bobonaro Tapo Taz, no tolu ne’e halo lansamentu iha fatin ida deit maka iha Lospalos. No Ntuir planu governu nian ne’e atu harii tore 12 iha Timor-Leste.
Nune’e mós atu harii tore tolu ne’e, ekipamentu sei mai husi governu Xina, sira mak oferese ba Timor-Leste tuir akordu ne’ebé iha, ekipamentu governu Xina maka prepara no Timor-Leste prepara deit tore.
“Orsamentu ba iha tore tolu ne’e hamutuk $ milaun resin, aprovizionamentu nia prosesu lao iha SNA, ami simu deit rezultadu ikus, asina kontratu,” tenik nia
Entertantu gastu osan $1 milaun resin, laos harii ba tore tolu deit, maibe mós iha uma rua ne’ebe sei halo hamutuk ho tore iha fatin hanesan, no karik inklui hadia estrada sira hodi hakat ba tore fatin.
