Reportajen Silvino Freitas
Governo halo dialogu nasional ne’ebé inkluzivu ho setór privadu, sosiedade sivil no parseriu dezenvolvimento nasional no internasional.
Ministru Koordenadór Asuntu Ekonomia (MKAE), Joaquim Amaral hateten dialogu ne’e halo hodi hametin kooperasaun, no halo mos avaliasaun ba progresu governasaun durante mandatu VIII governu hodi implementa.
“Dialogu ne’e atu hametin kooperasaun halo mos avaliasaun ba progressu dezde 2018 too 2022 no mos prozesaun ba 2023 nian” dehan Joaquim iha Salaun Auditorium Ministra Finansa Ai-tarak laran, 12/04.
Tuir nia progresu dezenvolvimentu ne’ebé hatudu, signifika katak governu la lao mesak maibe iha kooperasaun servisu ho parseiru dezenvolvimentu, seitor privadu no onganizasaun naun governamental sira hotu.
“Atividade ne’e inisiativa husi Primeru Ministro Taur Matan Ruak, nune hosi forum sira hanesan ne’e bele hametin kooperasaun no konfiansa hodi avalia progressu ne’ebé ultrapasa ona ho susesu, dezafiu ne’ebé enfrenta atu tuur hamutuk hodi buka solusaun ba lakunas hirak ne’e” nia dehan.
Nia konklui katak diskusaun ne’e aberta ba governante hotu, ne’ebé besik liu ba seitor privadu sira maka Ministeriu Obra Publika, Miniesteriu Agrikultura no Peska, Ministru Turizmu Komersiu no Industria no hirak ne’e toma konta ba parte setor produtivu sira hotu.