Reportajen David da Costa Gusmao
Ministériu Ensinu Superior Siénsia no Kultura (MESSC), liuhosi Fundu Dezenvolvimentu Kapitál Humanu (FDCH) asina Memorandu Intendimentu ho institutu no universidade sira iha rai laran hamutuk 12 konaba bolsa parsiál.
Ba jornalista sira Diretór Ezekutivu FDCH, Cristóvão dos Reis hateten importánsia hosi asina Nota Intedimentu, ne’e maka ami atu dezloka estudante sira ne’e ba Institutu no universidade privadu sira iha rai laran,” Dehan Diretór Ezekutivu Cristovão Dos Reis, Iha Salaun knowledge Center FDCH, Sesta 29/04.
Hafoin estabelese tiha nota entendimentu ne’e, iha tempu besik FDCH sei koloka bolseirus bolsa parsiál, ba universidade no institutu hodi hala’o sira ninia estudu ho nivel oi-oin hahu husi Diploma III to’o Lisensiatura tuir area estudu ne’ebé bolseiru sira hili ona iha tempu inskrisaun ne’ebé FDCH realiza iha Munisípiu hotu no RAEOA ho kooperasaun Ministériu Edukasaun.
Iha implementasaun programa bolsa parsiál ba dahuluk, iha tinan akademiku 2022 ne’e sei benefísiu bolseiru hamutuk 1000 ne’ebé sei hala’o estudu iha area importante sira hanesan Edukasaun, Saude, Agrikultura, Enjeñeira no Teknolojia, Turizmu, Direitu no Siénsia Sosiál.
Nia haktuir Durante bolseiru sira hala’o sira nia estudu, Governu liu husi FDCH sei apoiu finanseiru hodi selu kustu propina, kada semestre to’o sira termina sira nia estudu no maibe ba sira nia kustu vida, sira hola responsabilidade rasik ou inan ama no família sira maka responsabilidade ba ida ne’e.
“Tinan ida ne’e, ita haloka osan ba iha bolsa hakbiit, bolsa Parsial, bolsa por meritu ba dosente sira ba mos bolsa individual sira ne’e hamutuk 4 milloens,” nia dehan.
Nune’e mós FDCH rekomenda ba benefisiariu sira hetan ona oportunidade ida ne’e, estuda didiak, ho nune’e diak ba sira nia an rasik, diak ba futuru nasaun ne’e nian, atu garantiha ba sustentabilidade kontinuasaun ba pais ida ne’e.
Iha fatin hanesan reprezentante instituto no universidade sira iha rai laran, Sidelízio Ornai Perreira, apresia ba programa bolsa parsial ne’e no mós agradesementu wain ba inisativa, ba kooperasaun ida ne’e, hodi bele tuir programa ida ne’e, atu bele faselita joven Timoroan sira hodi bele asesu ba iha kualidade edukasaun ne’ebe maka hothotu hakarak.
Institutu no Universidade sira ne’ebé ohin asina Memorandu Intendimentu ho MESSC ho FDCH maka Universidade da Paz (UNPAZ) Universidade Dili (UNDIL) Universidade Nasional Oriental Timor Lorosa’e (UNITAL) Dili Institute Of Technology (DIT) Instituto Superior Kristal (ISC), East Timor Coffee Institute (ETCI), Institute Of Busines (IOB) Institute Profisional de Canossa (IPDC) Institute Ciênsia da Saude Dili (SCS), Instituto São João Brito (ISJB), institute Boabentura Timor-Leste (IBTL) Universiade Katolika Timor (UCT) no João Saldanha Institute (JSI).
Programa Bolsa Parsial ne’e implementa bazeia ba “Diploma Ministerial Numeru 78/2021 de 10 de Novembro relasiona com Regime de atribuigdo de bolsas de estudo para fregu€ncia no territorio nacional e regulamentagdo dos pedidos individuais de apoio financeiro ao estudo de Ensino Superior acreditado nacional. Artigo 4.” sobre atribuigio de Bolsa Parcial”.