Reportajen Joselina dos Santos
Governu liu husi Sekretária Estadu ba Igualdade no Inkluzaun (SEII), iha nia papél boot bazeia ba lei dekretu no.17/2019, 11 de Jullu, ne’ebe fó papél importante 4 ba SEII, ho objetivu dahuluk atu halo estratéjia abordajem integradu jéneru iha 2018 konsege halo advokasia husi Ministériu Finansas, konsidera SEII nia advokasia no tau marka jéneru dalan ba futuru, iha sistema finansas nian objetivu atu hamenus kazu violénsia doméstika bazeia ba jéneru.
Iha diskursu Sekretária Estadu Igualdade no Inkluzaun (SEII), Maria do Rosário deklara liña Ministerial sira iha ona biban atu fó sira nia orsamentu, no sira nia programa ba asuntu igualdade jéneru inkluzaun iha sira nia programa kada tinan, inklui mos Sekretáriu Estadu no ajénsia autonomia sira ne’ebe iha.
Objetivu daruak mak oinsá atu redús kazu violénsia doméstika liu husi estratéjia SEII nian, nune’e hamosu lei kontra viólensia doméstika bazeia ba viólensia jéneru, ne’ebe mak halo análiza ba viólensia kontra feto no labarik feto.
“Ita espera katak objetivu datolu nian bele lori ba Konsellu Ministru atu aprova no oinsa atu hakbiit feto iha vida ekonomia, ida ne’e mak papél importante SEII nian durante, nune’e iha ona grupu 363 benefisiariu iha teritoriu laran, grupu refere feto mak barak hodi halo negosiu, sira balun fa’an modo, fa’an ikan no hakiak manu”, Dehan Sekretária Estadu Igualidade no Inkluzasaun (SEII), Maria do Rosário Iha nia diskursu, iha edifisiu Fundasaun Ázia Luro-Mata, 28/07.
Governante ne’e dehan benefisiáriu sira ne’e komesa la’o ona, tanba ne’e mai husi fundus rotativa signifika grupu ne’ebe hetan osan ida ne’e halo sira nia negosiu, kuandu sira hetan ona fundus, osan ne’e rotativa fali ba grupu sira seluk, objetivu seluk oinsa atu fó biban ba feto foti desizaun iha nivél nasional munipisipal inklui autoridade lokal sira, tanba tinan oin sei iha eleisaun 2 hanesan Eleisaun Parlamentar no Eleisaun Xefe Suku, tuir loloos eleisaun municipal ne’e hahu iha tinan oin, maibe ho tempu ne’ebe limitadu, STAE deside katak eleisaun munisipal sei akontese iha tina oin mai.
“Ita iha ona validasaun hein prepara relatóriu ba planu asaun nasionál ba datoluk nian, iha planu asaun nasional ne’e ita halo ba tinan 10, tanba suporta husi NABILAN, hetan fundus husi governu Australia husi 2014 to’o ohin loron, governu Australia nafatin iha kompromisu bo’ot, atu tulun grupu sira ne’ebe vulneravel tebes, hanesan kazu violénsia hasoru feto no labarik feto, inklui maluk difisiénsia sira no mos komunidade”, nia informa.