Reportajen Joselina dos Santos
Ra’es Hadomi Timor-oan nota katak ligadu ho direitu ema ho defisiénsia nian durante ne’e, Parlamentu Nasional (PN) ladun konsidera, tanba ne’e la tempu ona governu atu sosa kareta prado ba deputadu/a sira.
RHTO dehan governu agora sira nia tempu besik ona atu remata, no sira laiha direitu atu ukun, tanba dadaun ne’e atu tama ona ba eleisaun parlamentar 2023, nune’e lalika gasta povu nia osan maibe uza osan ne’e hodi haree ba nesesidade ema ho difisiensia nian.
Reprezentante (Ra’es Hadomi Timor-oan), Junior da Costa De Araújo hatete, Ligadu ho orsamentu ne’ebé seidauk sensivél ba ema ho difisiensia, maibé Parlamentu Nasional atu sosa kareta paradu ne’e Ministeriu sira ne’ebé enkaixa iha diskusaun kona-ba Planu Asaun ba ema ho difisiensia nian.
“Iha planu asaun ne’e Parlamentu Nasional tau ona orsamentu ba ema ho difisiensia no hetan ona aprovasaun husi Konsellu Ministru rasik, maibe realidade ami analiza ba Orsamentu Jeral Estadu (OJE), 2023 tuir planu anual kada ministeriu nian la tau orsamentu ne’ebe sira mensiona iha planu asaun ne’e rasik”, Dehan, Junior da Costa De Araújo, liu husi Konferensia Imprensa iha Edifisiu OXFAM, Segunda 21/11.
Nia haktuir, orsamentu ne’eb’é Parlamentu Nasionál tau hanesan jerál deit, maibé la tau espesifiku enatun ligadu ho sosa kareta paradu nian ba deputadu/a, sira tenke hatene katak tu’ur iha parlamentu ne’e lori ema hotu nia lian inklui ema ho difisiensia mos uza pregu hodi haruka sira tuur iha parlamentu, entaun sira tenke hatene katak ema ne’ebe vulneravél no kiak liu mak ema ho difisiensia.
Tanba ne’e, tau importansia ba ema ho difisiensia tanba tuir ami nia observasaun ema ho difisiensia ne’e sempre hetan diskriminsaun.