Reportajen Umbelina dos Reis
Liu hosi Kongresu Nasionál RENETIL ba da-8 iha Centro Convenção de Dili (CCD) (11/12), Konsellu Sentrál RENETIL Carlos das Silva “Saky” orgullu ho prinsípiu apartidaria membru RENETIL nian tanba RENETIL halibur partidu oi-oin, no la koko lori RENETIL ba partidu ruma, esperansa ida ne’e atu kontinua nafatin ba futuru.
Diskursu Prezidente Konsellu Sentral RENETIL, Carlos da Silva “Saky”, hatete, lideransa RENETIL konsege halo buat lubuk ida tuir sira nia kapasidade, koko atu halibur lideransa sira hotu. “RENETIL rasik liu husi nia diresaun halo esforsu ona atu tulun lider polítiku sira atu labele fila kotuk ba malu, tan sira fila kotuk ba malu sai hanesan obstákulu ba dezenvolvimentu, tanba nee buka nafatin oinsá kria kondisoens ne’ebé konkluzivu ba líder sira,” dehan fundador “Saky” iha nia diskursu iha ámbitu Kogresu RENETIL ba dala-8, iha CCD, Kaikóli, Dili, 2/12.
Nia hatutan RENETIL kaer metin nafatin padraun polítika RENETIL nian desde 1988 to’o ohin loron, respeita no tane líder sira tuir sira nia méritu. Debate mos la’os debate nar-naran de’it, lori ita ba hetan prosesu labele debate ka fasilita grupo ka partidu ida-idak.
Fundador ne’e hato’o, RENETIL la’os rezisténsia polítika de’it maibé RENETIL mos hanesan eskola polítika, eskola lideransa nian. Nu’udar fundador RENETIL ida nia reprezentate membru tomak hato’o ba ukun na’in sira balun ne’ebé ukun ona no balun ne’ebé sedauk ukun tenki ukun ho loos no keta haluhan RENETIL, liu-liu povu vulneral sira.
“Husu ba kompaneiru sira tenki ukun hanesan ema estadista ho responsabilidade, ukun ho matenek, ukun tuir lei, haku’ak timoroan hotu, hases halo diskriminativu ba povu, hases halo prejudika estadu no povu no tenki tane povu sai sentru ba polítiku, ba Renetil prontu bainhira kompañeru sira presija.” dehan Saky
