Reportajen Joanina Casemiro
Sekretáriu Estadu Juventude no Desportu (SEJD) Hato’o deseju no konkista ba foinsa’e sira iha Timor-Leste (TL) espera tinan foun 2023 sei lori dame, Paz no saúde di’ak.
Sekretáriu Estadu Juventude no Desportu (SEJD) l, Abrao Saldanha hatete, Iha tinan ida ne’e buat barak maka seida’uk halo no buat barak maka halo ona no aproveita iha tinan ida ne’e hotu-hotu refleta hodi hadi’a no kompleta ba iha tinan oin.
“Ha’u hakrak aproveita ita refleta saida maka ita halo ona iha tinan ida ne’e no tinan oin ita buka atu hadi’a buat ne’ebé maka ita la konsege halo iha tinan ida ne’e,” hatete SEJD Abrão Saldanha ba jornalista sira iha salaun CNE Colmera, Kinta (29/12).
Nia haktuir, susesu ne’ebé iha estadu no governu ho federasaun organizasaun juventude ne’e so bele akontese bainhira iha Komunikasaun ho entendimentu ne’ebé hanesan no bele serbisu hamutuk ho ekipa nomós ho interse ne’ebé maka hanesan.
“Ida ne’e maka xave, hein katak tinan oin sei lori enerjia foun ba ita no hotu-hotu buka atu kompriende malu ho konsensus ba problema ida hari’i problema hanesan atu buka dalan hodi rezolve hamutuk iha area desportu ninian,” tenik nia.
Iha fatin hanesan Pe. Vigariu Helio hatutan tan katak, hotu-hotu halo reflesaun hodi bele hasai ema husi terus no susar nomós bele hado’ok a’an husi estres.
“Ita hotu hamutuk halo reflesaun hodi bele hasai susar no terus nomós bele hado’ok a’an husi tentasasaun sira nune’e bele hadi’ak fila fali saida maka ita seida’uk halo no bele kompletu halo di’ak liu tan, tanba Prova ida ne’e ba seida’uk di’ak hotu-hotu hamutuk bele hadi’a hodi hetan ksolok iha tinan foun mai para bele halo buat ne’ebé di’ak liu tan liu husi reflesaun ne’ebé maka iha, tanbá ne’e maka husu idak-idak ninia konsiensia atu nune’e bele iha mudansa no dezenvolve di’ak liu tan,” nia hato’o.