Reportajen Umbelina dos Reis
Country Director Oxfam iha Timor-Leste, Fausto Belo Ximenes, liu hosi lansamentu relatóriu peskiza konabá sosiedade sivil nia envolvimentu iha área polítika fiskal no diversifikasaun ekonomia, nia hato’o Oxfam nia vizaun ne’ebe foka liu konaba Justisa Klimatika, Justisa Jeneru no Justisa Ekonomia.
Nia mos dehan Oxfam nia atividade sira mos halo ajudus umanitária vulneravel no mos empoderamentu feto iha negosiu
“Aspetu konabá igualdade jéneru, ekonomia feto liu husi parseiru lubuk ida hanesan inisiativa rai osan hamutuk, kria negósiu ki’ik ne’e importante husi empoderamentu ekonomia foka ba feto. Negósiu klimátika ekonomia ne’ebé integra iha laran forte tebes, ezemplu, situasaun dezastre koko para populasaun vulneravel, labele monu ba pobreza maibé tenke suporta hodi rekupera,” dehan Fausto, iha sentru Oxfam, 18/01.
Nia konklui tinan kotuk Oxfam suporta família vulnerável uma-kain 15 ne’ebé destruidu total iha Dili. Uma sira ne’e kuaze nia membru mais vulnerável, ferik-katuas, ema ho defisiénsia no faluk sira. Programa hirak ne’e realiza iha Munisípiu lima.