Home Meio Ambiente Lixu Hamosu Problema Boot, Governu Sei Tau Kontetor Iha Dalan Ninin Hodi...

Lixu Hamosu Problema Boot, Governu Sei Tau Kontetor Iha Dalan Ninin Hodi Soe Fo’er

1816
0
Ministru Administrasaun Estatál (MAE), Miguel P. de Carvalho. [Foto: Joselina | 19.01.2023]

Reportajen Joselina dos Santos

Governu aprova ona projetu melloramentu jestaun lixu, atu tau kontetór iha kapital Díli, nune’e ema bele soe fo’er iha kontetór sira, tanba ohin loron laiha kontentór iha dalan, hodi halo ema soe fo’er arbiru iha dalan, tanba lixu nafatin sai preokupasaun ba ema hotu.

Ministru Administrasaun Estatál (MAE), Miguel P. de Carvalho hatete, lixu ohin loron nia kuantidade aumenta aas tanba populasaun aumenta. Kapital Dili prodúz 230 toneladas lixu, nune’e autoridade Dili dezde tinan 2020 to’o meadu 2021, aluga kamioneta hamutuk 59 hodi tula fo’er, maibé lixu iha Dili nafatin aumenta, entaun iha fulan Novembru tinan kotuk, autoridade Dili aumenta tan kamioneta 20, hodi kamioneta hirak ne’e tula fo’er hosi Dili ba Tibar.

Nia hatete hanesan autoridade munisípiu tenke kumpre nafatin nia funsaun, atu garante bele ra’ut fo’er iha fatin-fatin, husi situasaun hirak ne’e autoridade aviza ona ba populasaun sira atu soe fo’er iha tuku 07:00 dadeer, nune’e saneamentu tula hotu lixu labele iha ona fatin lixu.

“Problema hirak ne’e mak lixu sempre namkari iha fatin-fatin, maibé saneamentu sira nafatin ba ra’ut no tula, tanba ne’e ha’u hanoin autoridade sira kontinua esforsu atu tula fo’er sira ne’e ho loro-loron ho 80 kamionetas ne’ebe iha”, dehan Ministru MAE, hafoin enkontru iha Palasiu du Governu, 18/01.

Ministru ne’e apela ba komunidade sira katak bainhira soe fo’er karik bele soe entre tuku 05:00-07:00 dader, maibé karik fo’er iha nafatin bele rai iha uma dader mak ba soe, karik la halo hanesan ne’e no nafatin ba soe iha oras meiudia mak  lixu nafatin naklekar iha Dili laran no sei laiha mudansa.

Print Friendly, PDF & Email

LEAVE A REPLY

Please enter your comment!
Please enter your name here