Home Notisia FDHC Entrega Programa Bolsa Hakbiit Hamutuk 480 Ba UNTL

FDHC Entrega Programa Bolsa Hakbiit Hamutuk 480 Ba UNTL

479
0
FDHC iha UNTL. [Foto: David | 17.08.2021]

Reportajen David da Costa Gusmao

Fundu Dezenvolvimentu Kapital Humanu (FDCH) entrega benefisiariu ba programa bolsa Hakbi’it hamutuk nain 480 ba Universidade Nasional Timor Lorosa’e (UNTL).

Diretor Ezekutivu Fundu Dezenvolvimentu Kapital Humanu (FDCH), Hermengildo da Silva hateten FDCH entrega programa bolsa Hakbiit ba UNTL. Universidade públiku ne’e iha rua deit  IPB no UNTL, fulan kotuk entrega uluk ona ba IPB  no ohin entrega tan ba UNTL.

“Imi hotu hatene katak universidade públiku  ne’e iha rua deit mak Institutu Politékniku Betano (IPB) no UNTL, iha fulan kotuk ita entrega  programa bolseiru Hakbiit ba IPB  ema nain 20 ona,  ohin ita entrega tan ba iha UNTL  ema nain 480,” dehan Diretór Ezekutivu FDCH Hermengildo da Silva, ba Jornalista sira iha Auditorium UNTL, Tersa 17/08.

Nia haktuir, restu bolseiru ne’ebe mak iha ne’e hamutuk ema na’in 253. Husi restu sira  ne’e sei iha prosesu nia laran, depois sei kompleta ba iha UNTL nian, para 500 resin balun sei ba iha Universidade privadu sira.

“Bolseiru sira ne’e tenke iha valor boot, Siénsia ezata nia valor tenke 2,65, Siénsia Sosiál nia valor tenke 3.0, sei valor mak la to’o iha tarjeitu sira ne’e, ami sei hasai sira, no ba  estudante sira ne’ebé la kumpri kada kausula iha kontratu, ami hapara ninia kontratu no sira sei fo fali osan estadu ne’ebé durante ne’e sira utiliza,” nia esplika.

Ho regras ne’e, sira bele estuda di’ak liu tan tanba sira iha responsabilidade boot ba investimentu ne’ebé estadu fo ba sira, tanba sira mak futuru ba nasaun ida ne’e, tanba ne’e mak sira tenke utiliza didiak Bolsa estudu ne’ebé estadu investe ba sira.

“Kuaze Orsamentu ne’ebé ita preve ba tinan 2021, ba programa bolsa Hakbiit ne’e hamutuk 1.5 millions kada universidade, ita hare liu ba númeru  benifisiaria no númeru kursu ne’ebé ita atribui ba universidade privadu no públiku,” tenik nia.

Iha fatin hanesan Reitór UNTL, João Soares Martins hateten ho inisiativa ne’e bele ajuda hakbiit familia sira iha Timor laran tomak, la’ós hotu-hotu maibé prienxe kriteria iha kbiit ladún to’o, bele mós iha oportunidade haruka sira nia oan sira mai eskola iha universidade.

Print Friendly, PDF & Email

LEAVE A REPLY

Please enter your comment!
Please enter your name here