Reportajen David Da Costa
Vise-Ministru Negósiu Estranjeirus no Kooperasaun, Julião da Silva aprezenta ona opsaun sira polítika-lejizlativa, ne’ebé sai hanesan baze ba inisiativa hodi kria rejime kontratasaun pesoál ida ba apoiu atividade sira adezaun Timor-Leste nian, ba Asosiasaun Nasaun sira iha Sudeste Aziátiku (ASEAN).
Ministru Prezidénsia Konsellu Ministru Fidélis Magalhães hateten, VISE-MNEK Halo aprezentasaun preliminár ida kona-ba kritériu sira ba kontratasaun no responsabilidade sira husi entidade ne’ebé atu kria ba efeitu ida-ne’e, nune’e mós informasaun sira kona-ba prosedimentu sira kontratasaun no kona-ba prosesu selesaun nian
Nia haktuir, Objetivu ba rejime kontratasaun pesoál ne’ebé dezenvolve hela mak atu garante kontratasaun husi profisionál sira ho kualifikasaun ne’ebé aas tebetebes, atu nune’e Timor-Leste bele prepara an didi’ak hodi kumpre rekizitu no obrigasaun nesesáriu sira ba adezaun ba ASEAN.
“Adezaun ba ASEAN presiza nia espesialista sira iha setór oioin, no forsa traballu ne’ebé ita iha agora sei dauk to’o para ita atu adezaun ba iha ASEAN, tanba ne’e maka ita presiza halo rekrutamentu,” Ministru Prezidénsia Konsellu Ministru Fidélis Magalhães dehan iha Palásiu Governu, Kuarta 1/03.
Nune’e ohin Konsellu Ministru rona no halo ona apresiasaun ba Lospalos iha aprezentasaun ne’e no Primeiru Ministru mós fó orientasaun ba iha MENEK no mós ba iha Ministériu sira seluk, para atu kontribui, atu bele hahú lalais prosesu rekrutamentu hamutuk ho komisaun Funsaun Publiku (KFP).