Reportajen David da Costa
Iha ámbitu aniversáriu Polisia Nasionál Timor-Leste (PNTL) nian ba dala 23, Komandante Jerál PNTL, Henrique da Costa, husu ba membru Polisia Nasionál Timor-Leste tenke iha meus neutrál no imparsial, hodi asegura partisipasaun sidadaun sira nian lha festa demokrasia, hodi asegura partisipasaun sidadaun sira nian iha festa demokrasia ne’ebé sei hala’o ho livre.
Komandante Jeral PNTL, Henrique da Costa hateten iha tinan ida ne’e hanesan tinan politiku ne’ebé sei hala’o eleisaun parlamentár, no eleisaun suku nian, ne’ebé sei ezije PNTL nia nivel envolvimentu aas no kompromisu, hodi mantein pás no eleisaun ida ne’ebé demokrátiku .
Tanba ne’e PNTL sei mantein imparsialidade no independentemente durante iha tempu politika hodi hala’o servisu polisia nian ne’ebé profisionál no proporsionál hodi hametin demokrasia, sustenta ba dezenvolvimentu nasional no hametin prosperidade .
“Ita dezempeñamentu funsaun, tenke iha meius neutrál no imparsial hodi asegura partisipasaun sidadaun sira nian lha festa demokrasia ne’ebé sei hala’o ho livre, laho interferensia no importante liu maka iha ambiente ida ne’ebé seguru,” dehan nia iha iha ambitu serimónia loron PNT iha UEF Bairo-Pite, segunda 27/03.
Nia hatutan hanesan Komandante Jerál husu nafatin ba membru PNTL atu komporta didi’ak no aplika matenek sira ne’ebé konkista ona durante tinan 23 hodi servi komunidade sira.
Alende ne’e nia mós fó parabens ba PNTL hotu feto no mane ne’ebé ho firmeza nafatin servi iha instituisaun ida ne’e no iha nasaun Timor-Leste dezde PNTL ne’e harii, liuhusi kontinua prátika dixiplina di’ak, lealdade, hatudu respeita ba komunidade no povu sira, no liuhusi kontinuasaun dezenvolvimentu profesionál, PNTL sei kontinua dezenvolve atu sai forsa polisia ida ne’ebe modernu, hodi hetan respeitu husi komunidade, servidor, governu no parseiru sira.
Tanba ohin loron Krime Tranzisionál sira hanesan droga, tráfiku umanu, osan falsu , terrorista, atividade kontrabandu, peskas ilegais sei sai nafatin ameasa ba mundu inklui Timor-Leste.
PNTL hanesan orgaun prinsipál ne’ebe sei ativu hola medidas hodi prevene, deteta, no kombate krime organizadu no tranznasionál. PNTL mós sei dezenvolve nia kapasidade hodi responde no investiga teknolojia kompleksu ne’ebé fó dalan ba krime inklui krime sira hanesan sibernétika. Ho nune’e PNTL presiza apoiu no reforma lejizlasaun ne’ebé artikula ona iha prioridade estratéjiku PNTL nian.