Reportajen Silvino Freitas
Autoridade lokál suku Lihu Postu Administrativu Railaco Bernardo do Santos Babo fó esperánsa ba partido polítika sira ne’ebé forma IX Governo, atu implementa programa prioridade maka agrikultura, edukasaun bee moos no estrada rurál sira nomós reflorestasaun ba produsaun kafé iha Ermera.
Xefe Suku Lihu Bernardo do Santos Babo hateten, partido sira ne’ebé atu forma governo foun iha periodu 2023-2028 presiza tau atensaun ba programa prioridade sira hanesan agricultura, edukasaun, bee moos nomós estrada rurál sira.
“Importante liu mak seitor edukasaun maibé edukasaun ne’ebé ho kualidade la’ós estudante sira mai mak duku sapeo de’it nomós kampu traballu ba joven sira” dehan Bernardo iha suku Lihu Railaco, (09/05).
Nia mós husu ba governu foun atu dezenvolve seitor agrikultura tanba ne’e importante ho implementasaun sesta bazika karik kontinua mak presiza produtu lokál, tanba ne’e presiza hasa’e no investe makaas iha seitor agrikultura.
“Ami nia kafé mós presiza hadiak tan tanba dadaun ne’e ami balun kuu de’it husi aman no avo sira husik hela, maibé kafé tuan hotu ona ai samtuku ne’ebé kuda mós mate hotu ona, nune’e refloresta hodi viveiru fali kafé arabika ho rebusta sira no ai samtuku”, xefe suku Lihu rekomenda.