Reportajen Joselina dos Santos
Estrutura Partido Congresso Nacional de Reconstrução de Timor (CNRT), husu ba Joven sira katak kampaña ikus iha Tasi-Tolu ne’ebe sei hala’o enseramentu iha loron 18 fulan maiu tenke kumpri regras sinais tranzitu uza kapaset labele halo provokasaun no kontinua hatudu dixiplina kria paz no estabilidade ba ema hotu.
Liuhosi Konferénsia Imprensa ne’e, Sekretariu Jéral Partidu CNRT Francisco Kalbuadi Lay hateten, Kampaña Partidu CNRT hosi loron 19 fulan abril hahu iha Munisipiu Manatuto nomos ba fatin hotu no ikus termina iha Dili Tasi-Tolu. Nune’e husu ba militantes no simpatijantes sira hamutuk hodi kontinua kria paz no estabilidade hadook-aan husi provokasaun liu-liu labele hakbesik ba ema ne’ebe halo provokasaun.
“Ita tenke hakribi violensia, hetan sé deit foti liman hamnasa tanba xanana sempre hanorin ita dixiplina importante hadomi malu. Aban loron ikus ba ita hala’o enseramnetu kamapaña iha Tasi-Tolu. Ne’e duni husu ba joven sira atu respeita nafatin regras sinais tranzitu uza kapaseti labele gas motor no forma tuir regras”, dehan Sekretariu Francisco Kalbuadi Lay iha Salaun Sede CNRT Bairro dos Grilhos, kuarta 17/05.
Nia haktuir, tnnba ne’e hatudu domin ba malu no hatudu mos maturnidade politika, CNRT hakruk ba ema hotu tanba festa demokrasia ne’e povu mak Na’in, nune’e husik povu ezerse sira nia direitu kada tinan lima, povu mak deside sé mak sei ukun tanba ne’e tenke respeitu malu.
“Ita hotu Timor-oan atu partidu saida de’it ita hotu familia no rai ida, aban hahú ita nia kampaña husi tuku 12:00 keta haluha vota ba CNRT nu. 12 no vota ba ita nia futuru,” Nia esplika.