Reportajen David da Costa
Partidu Kongresu Nasionál Rekonstrusaun Timorense (CNRT) ho Partidu Demokratiku (PD), ko’alia ho Prezidente Republika, Dr. José Manuel Ramos-Horta katak Partidu rua ne’e aseita ho kalendariu ba posse VI Lejislatura iha 22 Juñu.
Prezidente Partidu Kongresu Nasionál Rekonstrusaun Timorense (CNRT), Kayrala Xanana Gusmão, hateten, hodi bainhira partidu rua mai ida-diak nian, tanba Prezidente Repúblika bolu hodi enkontru informál, atu koñese malu buat sira ne’e hotu, maibé ohin ne’e enkontru semi formal ho Prezidente Repúblika hodi mai ko’alia kalendariu ba sesaun VI lejislatura.
“Ohin ita bele temi ona semi formál, seidauk formál, ne’ebé ami mai hamutuk ko’alia kona-ba kalendáriu ne’ebé partidu rua dehan ba Xefe Estadu ami aseita iha 22 Parlamentu Nasionál komesa primeira sesaun lejislatura foun,” dehan Prezidente Partidu CNRT, bainhira remata hasoru malu ho PR Ramos-Horta, iha Palásiu Prezidensial Bairo-Pite, Sexta 9/06.
Maibé Xefe Estadu nia mós iha ninia obrigasaun internasionál, ne’e duni nia sei sai iha dia 20 Juñu ba iha Franca, Alemaña no Xefe Estadu sei fila iha 28 Juñu. Hafoin fila husi estranjeiru, Iha 29 Juñu nia sei bolu Primeiru Ministru indijitadu, mai aprejenta-an tiha entrega surat kona-ba formasaun governu iha dia 29.
“Iha 30 fó sai dekretu Prezidensia Repúblika atu fó posse ba governu foun, ne’ebé ami konkorda ho kalendáriu. Depois Xefe Estadu hateten, imi tempu ha’u ba tiha ne’e, ami tuir sesaun iha Parlamentu Nasionál tanba ami povu hili ami hanesan deputadu la’ós hili hanesan Primeiru Ministru, Ministru, ami sei ba iha ne’ebá haree tuir, ne’eduni ohin ko’alia kona-ba ida ne’e de’it,” esplika nia.
Nia esplika liu tan, seidauk iha eleisaun ba Primeiru Ministru, ohin temi iha 29 mak Prezidente Repúblika bolu Primeiru Ministru indijitadu, Primeiru Ministru só indijita tiha depois iha Parlamentu Nasionál ne’ebá