Home Notisia Hato’o Agradesimentu Ba Jornalista nia Serbisu, Abrao: Media Nia Serbisu Ajuda Tebes...

Hato’o Agradesimentu Ba Jornalista nia Serbisu, Abrao: Media Nia Serbisu Ajuda Tebes SEJD Halo Evaluasaun

383
0
Jornalista sira hasai foto hamutuk ho Sekretariu Estadu Juventude no desportu, Abrao Saldanha Nokosiku | 09.06.2023

Reportajen Silvino Freitas

Sekretáriu Estadu Juventude no Desportu (SEJD) Abrão Saldanha Nokosiku, hala’o serimónia agradesimentu no fahe sertifikadu ba média nain  no jornalista sira, ne’ebé durante hala’o kobertura ba atividade SEJD nian, nune’e nia mós agradese ba jornalista sira nia notísia, ne’ebé apoiu tebes SEJD nia servisu durante nia mandatu tinan tolu.

Sekretariu Estadu, Abrão Saldanha dehan jornalista sira ne’ebé  servisu hamutuk ho SEJD hatutan informasaun sira ba populasaun, no lori informasaun sira husi populasaun ba SEJD durante mandatu tinan 3 hamutuk ho média sira, no kontente servisu hamutuk ho jornalista sira ne’ebé maioria joven hotu de’it.

Nia dehan tan, jornalista sira ne’e maioria joven, nune’e profisaun jornalizmu média nian importante tebes, no jornalista sira ne’ebé hala’o kobertura ba atividade SEJD nian di’ak tebes, nune’e agradese mós ba média sira nia publikasaun sira ne’ebé mai husi populasaun kona-ba krítika no lamentasaun ne’e importante tebes.

Abrão konklui katak, papél ne’ebé jornalista sira hala’o di’ak tebes, tanba nune’e SEJD intereajen tebes ba kna’ar ne’ebé jornalista sira hala’o durante ne’e, nune’e média nia servisu ajuda tebes SEJD nia servisu halo evaluasaun, papél kursial atu hala’o porpagasaun ba atividade desportu nian, nune’e mós presiza hala’o bombardea públiku liuhusi kapasidade no kreatividade ne’ebé foin-sa’e sira iha, tanba ne’e média sira mak tenke iha kapasidade hodi detekta foinsae sira nia kapasidade.

Print Friendly, PDF & Email

LEAVE A REPLY

Please enter your comment!
Please enter your name here