Reportajen Umbelina dos Reis
Prezidénsia Konsellu Ministru (PCM), hamutuk ho membru VIII Governu konstitusional, hato’o sentidu kondolensia ba espoza Primeriu Ministru (PM) Taur Matan Ruak, Isabel da Costa Ferreira, ne’ebé fila ikas ba Aman Maromak nia kadunan santu, iha nia rezidensia Meti-aut, iha loron Domingu kalan oras 20:48 otl. Nune’e Timor lakon tan ona ema ne’ebé kontribui naruk ba ativismu no halo protesaun luta ba direitu umanus, organizasaun sosiedade sivil nian iha Timor-Leste.
Prezidénsia Konsellu Ministru (PCM) Fidélis Leite Mangalhães, hateten, sente laran todan tebes hato’o presta homenajen ba Espoza PM, Isabel Ferreira tanba nia ema ida ne’ebé dalan ba kontribuisaun naruk ba ativizmu no halo protesaun no luta ba direitus umanus Timor oan sira nian iha tempu narauk, liu-liu partisipasaun ba kontras, ativa iha organizasaun sosiedade sivil hafoin ukun rasik aan.
“Pesoalmente sente lakon boot tanba alende relasaun servisu profesional hamutuk nian ho prosferiedade dezde periodu eleisaun prezidénsial nian, oinsa kolabora hamutuk iha amizade forte susesu iha rai ne’e, lakon matebian ne’e sente lakon ne’ebé bo’ot, nune’e deseja harohan forsa nafatin ba Primeiru Ministru Taur Matan Ruak mezmu ke hasoru dezafiu ne’ebé Dra.Isabel hasoru maibé nafatin korajen hodi kontribui ba rai ne’e,” dehan Fidélis Leite Mangalhães ba Jornalista sira iha matebian nia rezidensia Meti-aut, segunda-feira 19/06
Nia haktuir, depois nia kazamentu ho Primeiru Ministru Taur Matan Ruak, Matebian kontinua hala’o niia atividade pesoal ba direitu umanus ho demokrasia defeza ba demokratiku no haknaar-aan iha CDA no primeira dama, Vise Primeira Ministra iha Estatal, inklui harii uma matenek ba Timoroan , ne’e hanesan obra ne’ebé matebian Isabel Ferreira husik hela iha rai ida ne’e.
“Serimonia funeral ne’e familia boot rua hamutuk hela hodi selebra obra ne’ebé matebian Isabel halo ona ba rai ne’e, nune’e ita hamutuk haforsa nafatin ba familia matebian sira”, nia hakotu.
Entertantu, Matebian Isabel da Costa Ferreira Moris iha Same, Minispiu Manufahi, iha loron 15 Abril 1974 , oan feto husi Mateus Ferreira no Ana Flora de Jesus Ferreira, husi Same, Munisipiu Manufahi. Maun-alin nain sanulu resin tolu (13).
Saudoza ISabel da Costa Ferreira hakotu iss iha nia rezidensia Meti-aut Dili, iha loron Domingu kalan 18/06 no oras 20:48 otl, Matebian ne’e mate tanba hetan moras kankru.