Reportajen Filomena da Conceicao
Tane Konsumidór apeliu ba Partidu Conselho Nacional Resistência Tomorense (CNRT) no Partidu Demokratika (PD) ne’ebé maka forma Governu Dasia, atu envolve direitu konsumidor sira nian iha programa governu nian.
Prezidente Tane Konsumidór, António Ramos da Silva, hateten, Molok tama ba Eleisaun Parlamentár, Tane Konsumidor aprenzenta dokumentu rua ba partidu polítiku sira ne’ebé hetan asentu iha Parlamentu Nasionál ne’ebé lidera Nonu Governu, atu tau mós prioridade ba defeza Konsumidor sira-nian, tanba Konsumidor nu’udar parte sentrál husi dezenvolvimentu ekonómika ne’ebé sei sai hanesan prioridade ba programa Governu nian.
“Molok tama ba kampaña iha eleisaun Parlamentár Tane Konsumidor iha fatin ida ne’e , iha Dia 17 de Abril no kampaña iha dia 19, Tane aprenzenta dokumentu rua ba partidu polítiku sira ne’ebé hetan asentu iha Parlamentu Nasionál iha V legislatura mak hanesan partidu FRETILIN, CNRT, PLP, PD no KHUNTO. Nune’e Dokumentu rua ne’ebé Tane aprenzenta maka Aprenzenta solusaun ba rezolve problema Konsumu iha Timor-Leste no mós haruka fila fali dokumentu ida naran Kadernu Reivendikativu,” dehan Prezidente Tane Konsumidó António, bainhira halo komferensia Inprensa iha edifisiu Tane Vila Verde, segunda 19/06.
Nia haktuir, lider partidu rua ne’ebé maka sei forma husi koligasaun hanesan partidu Congresu Nasionál Rezisténsia Timorense (CNRT) no Partidu Demokrátika (PD), ne’ebé hetan fiar ona husi povu no lidera ona Nonu Governu, atu tau mós prioridade ba direitu Konsumidor sira-nian, relasiona ho problema hirak ne’ebé Tane aprenzenta ona iha dokumentu, hodi tau mós ba iha programa Nonu Governu nian.
“Tane apelu ba lider partidu rua hanesan CNRT ho PD ne’ebé momentu ne’ebá Tane haruka karta ba partidu rua ne’e, atu tau konsiderasaun iha programa Nonu Governu nian, ne’ebé hakerek kona-ba direitu Konsumidor sira-nian no planu ne’ebé sei mai liuliu iha planu sira 100 dias nian, ba iha governsaun Nonu Governu nian,” Nia Apelu
Tanba ne’e, tau prioridade ba iha defeza no Konsumidor sira-nian, Tane nia espetativa bazeia ba solusaun roteirus ba iha problema (6) ne’ebé maka Tane aprenzenta ona no iha kada problema iha solusaun tolu, hodi tau mós ba iha planu legislativa iha tinan oin, nune’e inisiativa diploma sira ne’ebé Tane aprenzenta ona ba iha konsellu Ministru atu aprova hodi regulariza di’ak liu tan lei ba protesaun Konsumidor sira-nian.