Reportajen Umbelina dos Reis
Organizasaun Luta hamutuk husu, deputadu/a foun sira ne’ebé povu fó konfiansa ona, tenki halo servisu ho kualidade, labele hanoin uluk ba interese privadu, tanba nasaun Timor-Leste povu barak sei ki’ak ho mukit no halerik hela ba dezemvolvimentu.
Diretór Ezekutivu Luta Hamutuk, Jose da Costa Alves, hateten, husu ba deputadu/a foun sira agora ne’e primeiru tenki hanoin katak, nasaun Timor-Leste povu sei ki’ak no halerik ba dezemvolvimentu, nune’e labele hanoin uluk sira nia kabun no interese privadu, mensajen ba deputadu/a sira, ohin dadersan hare sua.exlensia Prezidente Republika komesa ko’alia konaba pensaun vitalisia espera katak VI legislatura ida ne’e bele fo konsiderasaun primeiru mandatu mak tenki halakon lei pensaun vitalisia no deputado/a foun sira ba servisu tenki kualidade.
“Bainhira debate ba orsamentu jeral estadu (OJE) nian, kada tinan tenki ho kualidade ne’ebé di’ak labele mai hanesan yes man de’it, maibé la entende sasan. Ate hanesan V legislatura dehan balun la hatene uja konputadór ne’e oinsa? i bele interpretasaun se bainhira iha lei ruma iha proposta OJE ita presiza mak deputadu/a ne’ebé kualifika para atu defende duni povu nia interese, la’os sira nia interese no polítiku sira nia interese,” dehan Diretór Ezekutivu Luta Hamutuk, Jose da Costa, ba Jornalista sira iha Otél Timor kinta 22/06.
Diretor ne’e mos hatete katak ita hakarak deputadu sira ne’ebé reprezenta partidu mak ba tur iha Parlamentu nasional (PN), tenki ho kualidade, se laiha kualidade partidu iha diretu fo avaliasaun katak deputadu ladi’ak ne’e presiza troka, la’os deputadu permanente ba tur tinan lima iha parlamentu.
Durante ne’e sosiedade sivil haree, deputadu sira halo fiskalizasaun iha problema, maske deputadu sira simu tiha kareta foun ho kualidade folin boot, nunka halo fiskalizasaun durante ne’e, ema hakilar kona-ba bee moos, sasan folin sae, setor saúde, maibé laiha deputadu ida mak sai reprezenta matan tilun ibun ba povu nian.
Diretor ne’e kontinua husu ba deputadu/a foun sira agora ne’e primeiru tenki hanoin katak, nasaun Timor-Leste povu sei ki’ak no halerik ba dezemvolvimentu, nune’e labele hanoin uluk kabun no interese privadu. Nune’e mós ohin dadersan haree Prezidente Republika mó komesa ko’alia kona-ba pensaun vitalisia, espera katak VI Legislatura ida ne’e bele fó konsiderasaun primeiru mandatu mak tenki halakon lei pensaun vitalisia
“Deputado/a foun sira ba servisu tenki kualidade, bainhira debate ba OJE nian, kada tinan tenki ho kualidade ne’ebé di’ak labele mai hanesan yesman de’it, maibé la entende sasan, ate hanesan V legislatura dehan balun la hatene uja konputadór ne’e oinsa? i bele interpretasaun se bainhira iha lei ruma iha proposta OJE, ita presiza mak deputadu/a ne’ebé kualifika para atu defende duni povu nia interese, la’os sira nia interese no polítiku sira nia interese,” Diretor ne’e hatutan.