Reportajen David da Costa
Governu Repúblika Ínida, sei apoiu Timor-Leste iha area sira maka hanesan Agrikultura, Saude, oli no gas, nomós Diplomasia nian, nune’e mos prepara rekursu umanu hodi Timor-Leste adere ba iha ASEAN.
Primeiru Ministru Kay Rala Xanana Gusmão, hateten, Minstro de Estado Relasoens Exteriores Repúblika ĺndia, nia mai fó hatene katak Governu índia iha dispozisaun tomak atu ajuda no halo kooperasaun ho Timor-Leste iha area oi-oin.
“Governu Índia iha dispozisaun tomak atu ajuda ita, atu koopera ho ita iha area oi-oin, Agrikultura, oli no gas, ba rekursu umanu, treina ita nia ema sira iha saude, Diplomasia, ajuda ita prepara-aan tama ba ASEAN. Ministru mai ami ko’alia no aponta hotu ona, depois maka ko’alia ho Embaixadór Índia nian iha Indonesia no mai iha Timor, ikus mai maka Ministru sira ne’ebé presiza sei liuhusi nia, maka nia sei komunika ba iha Ministru iha Nova Delhi atu ajuda,” dehan Primeiru Minístru Kay Rala Xanana Gusmão, bainhira remata hasoru malu ho Minstro de Estado Relasoens Exteriores Repúblika da ĺndia, Rajkumar Ranjan Singh, iha Gabanete Fronteira Maritima Palasiu Palásiu Governu, Segunda 2/10.
Nia haktuir, Hakrak fó hanoin katak, Índia iha Timor-Leste nia kotuk, Índia mos bele partesipa iha dezenvolvimentu Timor nian, iha area ne’ebé iha, ikus fali mai maka Timor-Leste sei aproveita vontade boot, amizade boot, husi Governu Índia ninia.
Minstro Estado Relasoens Exteriores Repúblika da ĺndia, Rajkumar Ranjan Singh, dehan, orgullu tebes hasoru malu ho Primeiru Ministru Timor-Leste Kay Rala Xanana Gusmão. No iha sorumutu ne’e husu mós Primeiru Ministru Onravel atu fó fatin ba konstrusaun Embaixada Índia nia ne’ebé Primeiru Ministru nian anunsia ona iha sorumutuk ikus Simeira Índia Aziatiku nian. Nune’e, bainhira iha fatin ne’e, sei harii edifísiu báziku iha Timor-Leste no sei iha ema barak liu tan no dezenvolvimentu ne’e sei mosu
“No ami husu ba governu Timor-Leste sira atu fó dalan ba ita atu servisu iha área oin-oin, liuliu iha área edukasaun, peskiza, nomós iha área Federal ita bele ba no esplorasaun petróleu hotu-hotu hakarak partisipa ho esperiénsia Índia nian atu nune’e ita bele iha oportunidade atu servisu ekipa no lori Timor-Leste ba iha prosesu dezenvolvimentu,” nia hateten.
Nune’e mós, nia kongratula ba Timor-Leste nu’udar membru ASEAN. No haree katak Primeiru Ministru husi Índia ho Primeiru Ministru Timor-Leste ne’ebé onra tebes kona-ba Timor-Leste nia prosesu ba dezenvolvimentu, tanba ne’e tenke iha relasaun forte entre nasaun sira iha Azia no tenke dezenvolve prémiu kolaborativu no multi-kolaborativu ne’ebé hanaran prosesu dezenvolvimentu.