Reportajen Joselina dos Santos
Autoridade Protesaun Sivil (APC), liuhosi Gabinete Relasaun Externa no Komunikasaun (GREC), publika infomasaun kona-ba dezastre naturais ne’ebé akontese durante semana ida iha teritoriu Timor laran tomak, iha akontesimentu ne’e estraga komunidade nia uma hamutuk 22 mak hanesan ahi han uma 8 no Anin Sobu Uma 14.
Xefe Gabinete Relasaun Externa no Komunikasaun (GREC), Anacleto Caetano hateten, Iha loron 22 fulan Novembru 2023 akontese ahi han komunidade nia uma 1, iha Munisipiu Ainaro Postu-Administrativu Ainaro-Vila Suco Kasa, Aldeia Quecamau. Iha loron 5 fulan Novembru 2023 akontese anin sobu komunidade nia uma 1, iha Munisipiu Atauro Postu-Administrativu Atauro Suco Biqueli, Aldeia IIidua douro.
“Iha loron 15 fulan Novembru 2023, akontese anin sobu komunidade nia uma 1 iha Munisipiu Baucau, Postu-Administrativu Baucau-Vila Suco Tirilolo, Aldeia Kaiubuilale. Iha loron 11 fulan Novembru 2023, akontese anin sobu komunidade nia uma 2, iha Suco Buruma, Aldeia Ono sere no Aldeia Kasmutu”, nia dehan, Xefe Gabinete Anacleto Caetano iha Edifisiu APC Kaikoli, Segunda 27/11.
Nune’e mós iha loron 22 fulan Novembru 2023, akontese anin sobu komunidade nia uma 6 iha Munisipiu Ermera Postu-Administrativu Hatulia A Suco Ailelo Aldeia Santa Cruz uma 1 no Aldeia Tata uma 1 Suco Leimea Kraik Aldeia Buana uma 1, no Suco Manusae Aldeia Otete uma 2. Nune’e mos iha loron 22 fulan Novembru 2023, akontese anin sobu komunidade nia uma 2 iha Postu-Administrativu Ermera Suco Legimea, Aldeia Hatuleta no Aldeia Legimea. Iha loron 11 fulan Novembru 2023, akontese anin sobu komunidade nia uma ida iha Munisipiu Liquisa Postu-Administrativu Bazartete Suco Tibar Aldeia Mausoi. Iha loron 11 fulan Novembru 2023, anin sobu komunidade nia uma ida iha Munisipiu Manufahi Postu-Administrativu Same Suco Hola rua Aldeia Tirilolo.
Enkuantu Iha loron 20 fulan Novembru 2023, akontese anin sobu komunidade nia uma tolu iha RAEOA Postu-Administrativu Oesili Suco Bobometo Aldeia Oebaha uma ida, iha Postu-Administrativu Nutibe Suco Banafi Aldeia Neofmeta uma ida no Postu-Administrativu Makasar Suco Nibane Aldeia Bausiu uma ida. Iha loron 6 fulan Novembru 2023, akontese anin sobu komunidade nia uma 2 iha Munisipiu Viqueque Postu-Administrativu Watulari Suco Makadiki Aldeia Edemumo uma ida. Nomos iha Postu-Administrativu Viqueque-Vila Suco Bibileo, Aldeia Hare oan uma ida.