Reportajen Joselina dos Santos
Loron mundial ba Ema ho Defisiénsia iha Timor-Leste ba dala huluk, Defisiente Celestina Pereira husu ba inan aman no lider komuniatariu sira iha área rura, atu habelar informasaun kona-ba direitu ema ho defisiénsia nian, atu bele asesu ba setór hotu-hotu no hetan sira nia direitu.
“Bainhira ha’u ba Hospital hodi konsulta tenke akompaña husi familia ruma, tanba iha hospital ne’e rasik seidauk asesivel ba ema ho defisiénsia, hanesan eskada naruk no fatin klot. Iha parte seluk mós hospital balun mediku sira fó atendimentu diak no balun ladiak, tanba sira ladun komprende kona-ba ami nia kondisaun entaun sira koalia liafuan kasar ida ne’e realidade ne’ebe ami hasoru iha baze”, dehan, Celestina ba Neon Metin iha CCD slSexta 01/12.
Nia Salenta, iha parte setór edukasaun mós seidauk asesivel ba ema ho defisiénsia maka iha resintu eskola laiha rampa ne’ebé diak atu sira bele tuir nomós atendimentu profesores sira nian. Profesores balun ne’ebe hetan informasaun kona-ba ema ho defisiensia nian atende ho diak, maibé ba profesores ne’ebe foin rekruta susar mos atende sira ho diak tanba sira la komprende situasaun no kondisaun ema ho defisiénsia nian.
Nune’e nia eskola to’o iha Nivel Ensinu Primaria tanba iha Timor eskola ba ema ho defisiensia kontinua laiha entaun nia labele kontinu. Dadaun ne’e nia inklina organizasaun ema ho defisiensia atu tulun hodi hanorin letra braen ba maluk defisiensia sira seluk no kanta.
“Desde kiik hau hela ho pai mãe to’o iha tinan sia hau mete ona iha organizasaun Uniaun Defisiensia Matan Timor-Leste (UDMTL), to’o agora. Entaun iha Suco laran ema ladun koñese ha’u nune’e sira la halo diskriminasaun, envolve iha organizasaun ne’e atu tulun fali maluk sira seluk hodi hanorin letra braen no hatudu talentu kanta mós iha organizasaun nia laran”, Nia esplika.
Nia haktuir, Foun-foun seidauk mete iha organizasaun ema ho defisiensia sente triste tebes ho kondisaun ne’ebé labele haree, nune’e nia dehan ba inan aman katak dalaruma iha Timor mesak ho kondisaun defisienste matan, maibé inan aman hatan katak maske ho kondisaun defisiente maibé sira nafatin hadomi.
“Atu sosiedade sura mós ami husu inan aman no familia sira labele izola oan sira ne’ebé ho kondisaun defisiénsia, tenke partilla informasaun kona-ba direitu ema ho difesiénsia nian hodi sira mos bele asesu edukasaun saude hanesan ema bain-bain tanba sira iha direitu atu asesu ba saida deit”, tenik nia.
Iha fatin hanesan, Primeiru Ministru (PM), Kay Rala Xanana Gusmão hatutan, Ema Ho Defisiénsia Timor-Leste tenke aproveita tempu hodi hatudu hahalok diak hodi bele hetan inkluzaun iha sosiedade nia leet atu kontribui ba dezenvolvimentu nasional.