Reportajen Joanina Casamiro
Lian husi Jornalista Timoraon sira ba loron Liberdade Imprensa, loron ida ne’e hanesan loron ne’ebé importante ba Jornalista sira iha mundu inklui mos Timor-Leste, Tanba ne’e jornalista sira tenke nafatin sai Matan no Tilun ba Ema lian Laek sira hotu.
Neon Metin halo entrevista ho Jornalista Geraldino Pereira Magno, husi Radiu Komunidade Defisiénsia Timor-Leste, hato’o nia esperansa ba iha loron Liberdade Imprensa katak ida ne’e loron importante ba jornalista sira iha mundu tomak, tanba ne’e, servisu iha área Jornalizimu nian hodi foti informasaun aktual no faktu sira hodi halo publika informasaun sira ne’ebé Komunidade sira hasoru durante ne’e, oinsa bele fo sai informasaun sira ne’e ba iha publiku bele hatene oinsa bele hetan nia solusaun.
“Ha’u hanesan jornalista durante ne’e hala’o ha’u nia knaar hodi foti informasaun sira iha terenu hodi halo publikasaun liuhusi radiu no media online. Servisu haknaar an iha área jornalista hahu iha 2022 to’o 2024 hodi sai matan tilun ba komunidade, difikuldade ne’ebé ha’u hasoru mak bainhira tun ba tereinu foti informasaun dalaruma komunidade sira balu lakoi fó informasaun ba jornalista sira hodi halo publikasaun maibé iha komunidade balu iha interese tebes atu fo informasaun ba jornalista”, dehan Geraldino ba Neon Metin, sexta 3/05
Nia hakturi bainhira halo kobertura, benefisiu ne’ebé nia hetan mak bele hasa’e nia koñesementu oinsa atu hakerek notisia ne’ebé di’ak no kualidade, oinsa bele edit viedo, Audiu Radiu ho kualidade. Hanesan Jornalista bele aumenta nia abilidade iha hakerek nian liu-liu ba informasaun ne’ebé aktual rai laran, oinsa atu promove ka abilidade área Jornalista hodi hakat ba jornalista profisional mak primeiru halo knaar hanesan jornalista iha parte hotu molok sai jornalista profisional. Presiza hasa’e koinsementu iha área Jornalizimu nia oinsa bele hatene estrutura hanesan hakerek notisia edit no mos edit video no komprede kona-ba kode etika jornalismu nian.
Nune’e husu ba maluk jornalista nomos ba joven sira ne’ebé dadaun ne’e tuir hela formasaun Jornalista nian karik nafatin iha vontade hodi tuir formasaun sira, nune’e bele sai profisional iha hakerek notisia no sai matan no tilun ba komunidade ho independente la bele depentente ba parte seluk.
Enkuantu, Domingas da Silva, nu’udar jornalista The Diliwikly, mos haktuir, loron liberdade imprensa sai hanesan loron importante ba jornalista sira hotu atu nafatin luta no halo kobertura ba lialos. Nia sente orgullu ho servisu ne’e maske hasoru difikuldade oin-oin tanba fontes balun la iha vontade atu fo informasaun, seluk mak la iha fasilidade ne’ebé bele fasilita Jornalista sira liu-liu iha terenu.
“Iha difikuldade ida mak salariu ne’ebé la iha profisional hanesan karta profisional ne’ebé jornalista sira iha tanba jornalista oferese nia servisu tomak ba iha informasaun sira ne’ebé ema hotu presiza, maibé haree ba salariu inflesmente la konfortavel ho kondisaun real ne’ebé jornalista ida-idak hasoru, benefisiu ne’ebé importante tebes mak ida ita bele sai ona matan,tilun liman no Ain ba ema lian laek sira ita mos bele kompreede di’ak liu tan kona-ba servisu jornalista nian liu-liu iha ita nia nasaun, ita bele hatene objetivu lolos husi jornalista nian mak saida”, Nia esplika.
Nia esplika liu tan, Jornalista profisional mak Jornalista ida ne’ebé buka informasaun ladok husi kode etika jornalismu nian, pessoál ne’ebé atu sai jornalista profisional mak pessoal ida ne’ebé buka informasaun no hakerek informasaun tuir kode etika ne’ebé iha (KI) Konsellu Imprensa rai ona, maibé dala barak jornalista balu ne’ebé hakarak media ne’e naran bo’ot entaun sira haluhan uza kode etika nian.
“Ha’u husu ba Sekretariu Estadu Komunikasaun Sosial atu tau atensaun no prioridade no seguransa ba iha jornalista sira hotu tanba jornalista mak sai matan no Tilun ba ema hotu no ba ema sira ne’ebé menus informasaun, tanba jornalista sira mak sei espalla informasaun ba publiku sira hotu ema hotu hakarak atu asesu kona-ba informasaun sira ne’e. Tan ne’e SEKoms atu tau preoridade liu-liu ba iha área Jornalista sira ba iha tereinu tau mos salariu ba jornalista sira haree media barak mosu ona iha nasaun Timor-Leste maske nasaun foin ukun a’an maibé nia media barak tebes hanesan media online, media imprime media elektroniku,” Nia hato’o mensajen.