Reportajen Joselina dos Santos
Komemorasaun Loron Liberdade Imprensa, jornalista husi media Likisa Post, Francisco Xavier Gonçalves, husu parte relenvante liu-liu Secretário Estado da Komunikasaun Social (SEKoms), halo kordenasaun mos ho média lokal no tau atensaun tanba média lokal mak besik liu komunidade iha área rural no hatene sira-nia preokupasaun. Liga ho loron liberdade imprensa enkoraja mos ba Jornalista Timor-Leste Kontinua esforsu keta lakon espiritu hodi halao kna’ar hanesan profisional no lábele tauk hodi buka hatene no fahr Informasaun publiku.
Jornalista Likisa Post Francisco Xavier Gonçalves hatete, Servisu Jornalizmu hanesan knaar ne’ebé jornalista hala’o kobertura iha terenu hodi foti informasaun sira nee’ebé husi komunidade tantu servisu estadu nian iha rai laran nomos iha rai liur. Jornalista nia servisu mak bele hato’o preokupasaun hirak ne’ebé komunidade sira sente liga ho setor Saúde, Edukasaun, Ekonomia no Seguransa hodi publika iha média online, média eletronika no média imprime, nune’e parte relevante bele buka solusaun no rezolve ba problema ne’ebé komumidade sira hasoru.
“Ha’u servisu iha área jornalizmu durante tinan 2 iha média Likisa Post hanesan mos xefe redasaun no responsavel ba editór notísia online no notísia televizaun, antes ne’e hau mos tuir formasaun iha Grace for Development (GFD), Vila-Verde atu aumenta ha’u-nia koñesimentu. Difikuldade ne’ebé ha’u hasoru iha terenu mak dalaruma fontes ita buka hetan atu rekolha infomasaun, maibe fontes la resposta no fontes balun moe. Difikldade seluk mak ita nia estadu liu-liu Secoms seidauk halo kordenasaun ho média lokal no aloka orsamentu, tuir loloos Secoms mos tau atensaun tanba média lokal tanba fokus liu ba informasaun área rural nian”, dehan, Francisco Xavier Gonçalves, Sexta-Feira ne’e, 03/05.
Nia dehan, atu sai jornalista profisional tenke servisu ho imparsialidade no onestidade bazeia ba faktu, nune’e garante katak informasaun ne’ebé rekolla nee klaru bainhira publika iha media sira, no hanesan jornalista labele inklina iha partido politika A-B tenke independente. Aleinde mos kumpri Kode etika jornalizmu hanesan jornalista ida tenke respeita ba kode etika bazeia ba Regulamentu nu. 1/2017, 13 de Janeiro nian atu públiku labele lakon direitu atu hetan informasaun.
Iha parte seluk, Jornalista TVE-T Madalena Reis da Silva hatutan, Servisu jornalista nian mak atividade ne’ebe hala’o hodi buka Informasaun Sira iha terenu, hafoin hakerek no publika ba publiku liu husi média oioin hanesan, jornal, TV, rádio nomos online. Jornalista Buka Informasaun bazeia ba faktus ne’ebe maka akontese iha sosiedade, antes publika ba publiku jornalista Presiza halo analiza kle’an Kona ba Asuntu ne’ebe Mak halo kobertura.
“Difikuldade ne’ebé Hau enfrenta durante hala’o kna’ar Nu’udar jornalista mak dalaruma buka fontes ne’ebe difisil tanba Sira nia tempu laiha hela deit. Kna’ar Jornalista iha Timor-Leste dalabarak liu maka ita hala’o ho voluntarismu, nune’e finansial .os sai hánesan difikuldade mai ha’u. Ida tan nak dalaruma hetan bully husi públiku Ka sosiedade Kona-ba publikasaun sira, maibe buat sira né la sai hanesan bareira ida ba ha’u atu kontinua ha’u nia mehi atu sai nu’udar lian ba lian laek sira. Benefisiu ne’ebe hetan makq ha’u bele hatene kle’an liu Kona ba akontesimentu sira iha rai laran no aumenta liu tan konesimentu ha’u nian”, dehan Madalena ba Neon Metin.
Maibé Jornalista presiza hala’o funsaun u’udar jornalista ho lolos, tenke buka hatene akontesimentu sira ne’ebe akontese iha rai laran, nune’e fo sai informasaun ne’ebe balansu no klaru atu publiku bele komprende.
“Husu ba maluk Jornalista hotu iha mundu espesialmente iha ha’u rai doben Timor-Leste, Kontinua hala’o sira imi nia kna’ar ho profisional no labele tauk hodi buka hatene no fo Informasaun sira, nune’e bele ajuda hato’o informasaun lian laek sira nian lian ba makaer ukun nain sira,” nia hato’o mensajen ba jornalista sira hotu.