Reportajen David da Costa
Iha reflesaun loron 28 Novembru 2024, Eis Presidente Repúblika (PR), Jeneral Taur Matan Ruak husu ba jornalista sira kontinua hato’o informasaun ne’ebe maka loos ba Inan-Aman, família sira no joven sira hotu, tanba ida ne’e responsabilidade boot ba jornalista sira tenke aprezenta informasaun ne’ebe maka ho loloos, tuir realidadenasaun Timor-Leste nian.
Eis Presidente Repúblika (PR), Jeneral Taur Matan Ruak mós hato’o nian mensajen ba jornalista sira katak alin jornalista sira instituisaun ne’ebe maka jornalista sira pertense ba, hakuak boot no domin ba hotu-hotu, , ba sira ne’ebe maka iha jornalista nia kotuk, xefe sira, kolega sira no jornalista sira, ne’ebe maka espalla iha fatin-fatin iha Timor laran tomak, Jornalista sira tenke serbisu no aprezenta informasaun ho loloos tuir realidade nasaun ne’e nian.
“Imi nia serbisu ha’u gosta, ami gosta kontinua nafatin hanesan ne’e, fahe informasaun ba ita nia Inan ho Aman sira, ita nia família sira, ita nia Joven sira. tanba ida ne’e responsabilidade boot ba imi hateten buat loos, ba ita nian Inan ho Aman sira, aprezenta informasaun ne’ebe ho loloos tuir realidade ita nia nasaun iha,”Eis Presidente Repúblika no Jeneral Taur husu ba jornalista sira bainhira halo refleksaun loron 28 Novembru 2024 hodi hanoin Pasadu, presente no futuru iha Rezidensia eis PR nian iha farol, Tersa 26/11.
Eis Presidente Repúblika ne’e mos “Agradese liu tan tanba ita nunuka hetan malu bainhira ami sai husi Primeiru Ministru, Prevelegio boot ida ha’u, hetan malu fali ho ita boot sira, hau gosta loos ita-boot sira nian perguntas ohin imi lebanta, mas hau hakarak aban bainrua imi mai fali husu perguntas ne’ebe maka difisil liu tan, to’o hau responden labele”.
“Tanba ida ne’e tantangan ida, tantangan ida maka tenke onestidade, tanba dala ba ita koalia iha kotuk ne’e brani, maibé iha ohin ita la brani, ita hateke ba ema nia matan ita tauk, maibé iha kotuk ne’ebá ita brani. Ita nia rai ne’e hanesan ne’e maibé la presiza ida ne’e, ita presiza brani hateke ba ema nia matan koalia para sira bele rona,indepedentemente nian risku no ninia konsekuensia,”dehan eis Presidente Repúblika
Nia haktuir tan, Iha livru ida nia hakrerek iha iha ai-laran, nia hakerek tanba saida? kuandu iha ai-laran nia kritika Primeiru Ministru ida agora, nia liafuan ida iha ai-laran hateten mai dehan Taur Matan Ruak hanoin katak loke ibun lalar atu tama deit no dehan tan Taur nia matan hanesan kilat no hakerek ida-ne’e ba livru, se bainhira o livre maka o sei brani hateten lae.
“Kuandu iha ai-laran ha’u kritika Avo Nana, nia liafuan ida iha ai-laran hateten mai dehan Matan Ruak hanoin katak loke ibun lalar atu tama, Segundu nia dehan Matan Ruak nia matan kilat iha Timor, ha’u sai fali nia soldadu, fulan tomak ha’u to’o tanis hau nunuka espera katak ha’u nia xefe hateten ida ne’e ba ha’u, hakerek ida ne’e ba livru, kaundu o livre maka o brani hateten dehan lae. Mas ita boot sira haree, ha’u laos iha ne’e maka kritika Avo Nana, Ami rua ne’e han malu beibeik iha ai-laran, ami rua nunuka soe malu, talasves agora bele soe malu tan, tanba kuandu ema mate ne’e hakoi ketak-ketak ona,” Nia Esplika.
