Home Notisia CNE Hasoru Kardeál Dom Virgilio: Oinsá Promove Paz no Estabilidade Iha Eleisaun...

CNE Hasoru Kardeál Dom Virgilio: Oinsá Promove Paz no Estabilidade Iha Eleisaun 2023

239
0
CNE hasoru malu ho Kardeál Dom. Virgílio do Carmo da Silva, SDB. [Foto: Umbelina | 03.02.2023]

Reportajen Umbelina dos Reis

Prezidente Comissão Nasionál Eleicões (CNE), Jose Belo halo audénsia ho Kardeál Dom. Virgílio do Carmo da Silva, SDB, hodi ko’alia konabá eleisaun Parlamentár, ne’ebé mak besik da-dauk ona, oinsá preparasaun ba ambiente ida pas no estabilidade nia laran, iha Residência Episcopal Lecidere, Dili, Kinta 2 Fevereiru 2023.

Hafoin sorumutu, Kardeál Dom Virgílio do Carmo da Silva, SDB, hateten sorumutuk ho Prezidente CNE mak ko’alia konabá oinsá Uma-Kreda hamutuk ho Comisaun Nasionál Eleicões, ajuda halo preparasaun hodi promove pás no estabilidade ba eleisaun Parlamentár 2023 nian.

Dom Virgilio hateten preparasaun ba eleisaun ida ne’e, oinsá mak povu fó liman ba malu hodi kria ambiente pás hodi hasoru eleisaun parlamentár ida ne’e.

“Primeiru Comissão Nasionál Eleições prepara ona atu halo semináriu boot ida ho nia konteudu prinsipal oinsá kria pás, parte husi uma-kreda nian oinsá prepara hodi planu disponibilidade partisipa hodi kontribui ba pás.” dehan Prezidente CNE

Kardeál ne’e hatutan, sorumutu ne’e au mezmu tempu ko’alia mos konaba orasaun próprio ne’ebé prepara ba eleisaun parlamentár. “Antes de kampaña fulan ida sei fahe orasaun ne’e ba Parókia no sarani hotu-hotu hodi reza iha loron Domingu.”

Segundu ko’alia konaba posibilidade loron silensiu ni-nian, husi Dioseze to’o Parókia oinsá halo misa própriu ida, hodi hakat tama ba eleisaun parlamentár nian. Parte husi uma-kreda nian kontinua kontribui ba komisaun justisa pás, atividade edukasaun sívika nian, oinsá halo monitorizasaun ba eleisaun nian.

Iha fatin hanesan, Prezidente CNE, José Belo hateten katak ligadu ho eleisaun Parlamentár tinan 2023 nian, oinsá halo preparasaun ba timoroan sira tuir eleisaun Parlamentár nian ho pás no estabilidade nia laran, tanba ne’e determinasaun ba timoroan hotu, nune’e tenki halo preparasaun ho di’ak no justu.

Nia dehan, papel importante hosi CNE mak tenki organiza eleisaun ho transparénsia ho di’ak no susesu. CNE prepara antes ona, hein Prezidente da Repúblika dekreta data eleisaun. CNE halo konsultasaun ho partidu no governu atu eleisaun ne’e la’o ho di’ak.

Nia informa, Partidu sira neebé eziste no tribunal ratifika ona sira iha direitu hanesan. Alein de ne’e, CNE kontinua nafatin hadi’a kualidade husi sentru paralelu sira hotu.

Print Friendly, PDF & Email

LEAVE A REPLY

Please enter your comment!
Please enter your name here