Reportajen Umbelina dos Reis
Sekretaria Estadu Formasaun Profesional Empregu (SEFOPE), realiza seminariu nasionál ho tema “Implementasaun politika estratejia nasionál empregu 2017- 2023” ho Objetivu atu halo diskusaun kona-ba programa reintegrasaun no empregu foun ba joven Timor-oan no prioridade ba área formasaun professional Empregu no traballu.
Sekretaria Estadu Formasaun Profesional Empregu (SEFOPE), Rogério Araújo Mendonça, liuhosi nia diskursu hateten, seminariu nasionál ne’e diskusaun kona-ba programa reintegrasaun no empregu foun ba joven sira, nune’e SEFOPE hala’o servisu bazeia ba dekretu lei nu.80/2023, loron 11 outubru ko’alia kona-ba lei organika ne’ebé SEFOPE alvu ba prioridade iha área tolu, primeiru formasaun professional, empregu, traballu.
“Timor-Leste iha sentru formasaun ne’ebé akreditadu hamutuk 38, rejistradu hamutuk 60 no sentru formasaun ne’ebé hetan lisensa ba operasionais hamutuk 27, total hamutuk 121, nune’e sentru formasaun sira ne’e rejista ona iha indimu. Nune’e sentru formasaun hirak ne’e prepara ba joven foinsa’e sira tenki aprende no aproveita di’ak.” Dehan Sekretaria Estadu Formasaun Profesional Empregu (SEFOPE), Rogério Araújo Mendonça, liuhosi nia diskursu, iha salaun Novu Turismu, kuarta 11/12.
Nia haktuir, Timor-Leste hahu 2009 halo G2G ho governu Korea prepara traballadores hamutuk 6,808 traballadores mak agora servisu iha Korea. Tinan 2012 Timor-Leste mos hala’o G2G ho governu Australia nune’e traballadores ne’ebé servisu iha Australia hamutuk 17, 855 traballadores, no Tltraballadores ne’ebé ba servisu iha Japaun hamutuk 25 pessoas.