Reportajen David da Costa
Provedór Direitu umanus noJustisa (PDHJ) rekomenda ba Sekretáriu Estadu komunikasaun Sosiál (SEKoms) atu kria programa ida kona-ba lingua jestual no letra Braille iha Radiu Televisaun Timor-Leste, Empresa Publiku (RTTL,E.P),
Provedór Direitu umanus no Justisa (PDHJ) Virgílio da Silva Guterres, hateten, Maluk difiséinsia barak mos eskola iha sentru formasaun Braille nian iha Tibar, entaun iha orgaun komunikasaun Sosial nomos eEukasaun nian bele kontinua kria kondisaun ba sira.
“Tanba ita koalia kona-ba Braille no lingua jestual, ne’e la’os ema ho difiséinsia de’it ninia problema, maibé estadu ninia obrigasaun tanba Konstituisaun garante ida ne’e” dehan Provedór Direitu umanus i Justisa (PDHJ) Virgílio, Bainhira Partisipa iha Simulasaun kona-ba Informasaun no Teknolójia Apropriadu ba ema ho difiséinsia matan iha Salaun São João Paulo II Comoro, Sexta 7/02.
Tanba ne’e, Sekretáriu Estadu komunikasaun Sosiál (SEKoms) buat ne’ebe PDHJ husu maka oinsá iha Radiu Televisaun Timor-Leste, Empresa Publiku (RTTL,E.P) iha programa ida ne’ebe ko’alia kona-ba hanorin lingua jestual ho lingua Braille para ema hotu bele akompaña hodi aprende kona-ba lian jestual no Braille.
“SEKoms buat ne’ebe ha’u bele rekomenda oinsá iha Televisaun RTTL iha programa ida ne’ebe ko’alia kona-ba hanorin lingua jestual ho lingua Braille. Programa 10 ou 15 minutu ema ne’ebe hatene buat ne’e bele ba esplika letra A mak ida ne’e, B mak ida ne’e, para ema bele akompaña,” Nia husu ba SEKoms.
PDHJ iha kompremetidu nafatin atu kopera organizasaun ne’ebe maka foka ba asuntu difiséinsia ninia nomos ajensia internasional sira no Embaixada sira atu ko’alia kona-ba oinsa hamutuk ita halo esforsu hodi garante objetivu dezenvolvimentu sustentável ba ema hotu, liu-liu ba ema ho difiséinsia sira.
Hatan ba rekomendasaun husi PDHJ, Sekretáriu Estadu komunikasaun Sosiál (SEKoms) Expedito Dias Ximenes, hateten, PDHJ ohin fo hela nia rekomendasaun ba Governu liu-liu ba SEKoms atu haree oinsa iha RTTL, iha mos Televisaun privadu sira hanesan GMN TV, TVE nomos plataforma sira seluk, atu bele fó hanesan spot loron-loron minutu 2 ka 5 kona-ba oinsa ema bele aprende letra Braille.
“Se agora ita sira akompaña nunu governu konstituisional iha ninia programa ne’ebe oras ne’e implementa iha RTTL nomos ami husu ba GMN iha lian jestual. Maluk sira ne’ebe maka iha difiséinsia matan, tilun ho difiséinsia sira seluk, bele akompaña informasaun sira ne’ebe sai husi meus komunikasaun sosial sira ne’e ho lian jestual, ida ne’e la’o dadaun,”dehan Expedito.
Ho rekomendasaun husi Provedór Direitu umanus no Justisa nian oin, SEKoms sei buka oinsa atu RTTL halo spot ida loron-loron atu aprende kona-ba lingua jestual no letra Braille, ida ne’e maka letra A no ida ne’e maka letra B, ba maluk difiséinsia sira no mos ba maluk sira ne’ebe maka la ho difiséinsia atu nune’e bele aprende hotu kona-ba letra Braille.
