Reportajen Umbelina dos Reis
Asosiasaun Defisiénsia Timor-Leste (ADTL), Asosiasaun Defisiénsia Matan Timor-Leste (AHDMTL) kolabora hamutuk Embaixada Australia no parseria seluk komemora loron mundiál ba letra braille iha mundu inklui Timor-Leste, objetivu atu sensibiliza no simulasaun ba letra braille no dijitalizasaun android ba ema ho defisiénsia.
Diretór Ezekutivu AHDMTL, Gabriel de Sousa hateten, objetivu hosi atividade ohin ne’e komemora loron mundial letra braille iha mundu inklui Timor-Leste ne’ebé monu iha loron 04 Janeiru, maibé foin komemora loron ohin no primeira vez realiza iha Timor-Leste.
” Objetivu lo-loos atu sensibiliza no simulasaun ba letra braille no ko’alia konaba dijitalizasaun no ekipamentus android ne’ebé ema ho defisiénsia bele asesu.” Dehan Diretór Ezekutivu AHDMTL, ba Jornalista sira iha salaun João Paulo II Comoro, sexta-feira, 07/02.
Nia dehan, dala barak atividade hirak ne’e organiza iha organizasaun de’it, maibé ohin loke espasu ba iha públiku atu repete ho ita nia certification ho konvensaun internasionál direitu ba ema ho defisiénsia hosi artigu 2 ne’ebé ko’alia konaba definisaun no konvensaun nune’e iha sistema hotu-hotu tenki hakerek ho letra braille konvensaun ne’e ratification ona iha tinan 2022 maibé artigu por artigu seidauk iha implementasaun.
“Dala-barak instituisaun públiku loke vaga ba ema ho defisiénsia hodi servisu maibé metodu atendimentu ne’e seidauk másimu hanesan fasildade no dijitalizasaun.” Nia konklui.