Reportajen Juvinal & Cresencia
Gabinete Ministeriu Juventude Desportu Arte no Kultura (MJDAK) no gabinete Sekretariu Estadu Arte no Kultura (SEAK) enkotru ho jornalista sira husi media online, imprimi no eletroniku iha partisipasaun jornalista nian hamutuk hodi kontribui partilla servisu MJDAK no SEAK nia apoiu ba grupo, komunidade sira nia proposta.
Xefe Gabinete MJDAK, Egas Barros ba jornalista sira hateten pontus importante ba enkontru ohin loron nian mak informasaun sira ne’ebe ita hato’o liga ho apoiu estimasaun sira iha Juventude Desportu, tanba ohin husu mos apoiu hira mak to’o ona ba komunidade sira.”
“Importante liu mak ita hare to’o ohin loron ita nia joven sira seidauk iha ida mak mai halo protesta ba ami, liga mos ho atendimentu ne’ebe ami halo ba sira, no to’o agora ami seidauk hetan ema ida mai halo protesta. Tamba ne’e pontu pozitivu ida maka ami hanoin ita boot sira seidauk rona ema ida claim ba iha ne’eba katak ministerio seidauk atende ema ida ho diak kuaze maioria diak,” dehan xefe gabinete MJDAK
Gabinete MJDAK informa la taka dalan ba sidadaun hotu-hotu liu-liu joven feto, mane, grupo no individu sira husi munisipiu to’o suku, odamatan nakloke ba sira ne’ebe iha planu atividade MJDAK iha orsamentu oituan bele apoiu ba sira no la iha diskriminisaun.
Iha fatin hanesan Xefe Gabinete Sekretariu Estadu Arte no Kultura (SEAK), Francisco Tae Mau haktuir, iha 2024 husi apoiu inisiativa ne’ebe maka gabinete SEAK fo ona apoiu ba iha grupu arte kultura nomos ba asosiasaun sira hamutuk iha 34.
“Ita separa 34 ne’e ba iha fatin tolu 19 ital ba iha grupu Uma lisan sira, 10 ba grupu Arte sira haat ba iha asosiasaun sira. Tuir planu asaun anual ne’ebe maka gabinete SEAK iha tinan 2024 planu asaun ne’e iha 20, maibe ita halo esforsu iha periodu trimestre primeiro to’o trimestre quatru, halo ezersisiu ida ke boot, apoiu oituan maibe ho kualidade. Ho ida ne’e ita hasa’e apoiu ne’e ba to’o 34 grupu ne’ebe mak husi sekretariu estadu kultura apoiu liu husi inisiativa ne’ebe maka iha.”
Iha 2025 tuir planu asaun anual ka metas ne’ebe maka gabinete sekretariu estadu iha ne’ebe aprezenta ba iha Ministeriu hamutuk iha grupu 25 ne’ebe maka atu apoiu iha 2025 tuir kbiit orsamentu, ne’ebe maka husi ministériu atribui ba iha gabinete sekretariu estadu arte no kultura tuir nesesidade ne’ebe maka iha .
“Entaun husi planu 2025 iha primeiro trimestral ita fo ona apoiu grupu 6 Uma lisan, sau batar no sau hare ne’ebe fo apoiu iha primeiro trimestral ida ne’e hahu iha Janeiro mai to’o iha Abril.”
Tuir tarjetu katak kada trimestral ida-ida sira sei apoiu ba atividade iha 6 ba kada proposta ne’ebe maka tama ekipa verifikasaun haree no hetan autorizasaun ka iha despasu ruma husi sekretariu estadu, maka ekipa tekniku sira sei elabora no hare ba proposta sira ne’e, ida ne’ebe maka merese no prense kriterius interna ne’ebe mak iha, entaun nia pasa no ekipa sira sei halo prosesu.
“Iha trimestre ida ikus liu mak ita define atu fo apoiu ba grupu 7 hodi bele kompleta apoiu 25 ne’ebe maka gabinete sekretariu estadu tau ona. Iha inan soru nain sira iha 2024 ita apoiu tiha ona iha Inan soru nain nia grupu ida iha Baukau, sira halo hela sira nia atividade ne’e fo apoiu ba sira halo atividade iha ne’eba agora sira nia atividade lao to’o ohin loron sira mos produs ona tais lubuk Ida hodi fornese liu husi fundasaun Alola ne’ebe tau hela iha fundasaun alola hodi fa’an.” Sekretariu Estadu Arte no Kultura sira nia apoiu ba uma lisan ne’ebe mai ho ninia material prima rasik, ida ne’ebe ba uja ona ai-rin maka tau simenti iha nia kakuluk tau ona kalen ne’e SEAK sei la fo apoiu ba Ida ne’e, maibe ida ne’ebe mai ho modalidade husi material lokal ne’ebe maka desde uluk kedas beiala Sira uja hodi konstrui Uma lisan ida ne’e maka sei tau