Reportajen Silvino Freitas
Ajensia Kooperasaun Internasional Japaun nian (JICA) sei apoia Ró 4 ba Unidade Polísia Maritima (UPM) hodi halao sira nia servisu asegura tasi no kontrola peska illegal inklui movimentu illegal fronteira tasi nian, tanba difikuldade ne’ebé Polísia Nasional Timor Leste (PNTL) hasoru JICA sei fasilita Ró sira hodi ajuda UPM iha fatin rua maka Biacou ho Kuartel Unidade nian.
Reprezentante JICA iha Timor Leste Daisuke Fukumori dehan, objetivu husi projetu nee mak hanesan estabelesimentu no hasae kapasidade instiuisional sira nian husi unidade polísia maritima (UPM) PNTL ba seguransa maritima JICA hein atu fornese Ró inflável ho kasko rejidu no ekipamentu relevante inklui motor sira reboke ro nian no kareta atu tula ro sira, nomos JICA sei haruka peritu tekniku sira atu halao formasaun ba operasaun no manutensaun RHIB sira.
“hau hatoo hau nia apresiasaun ba lideransa no orientasaun husi komisariu jeral Henrique da Costa liuliu iha haforsa kooperasaun ho JICA no parseiru dezenvolvimentu sira nomos polísia federal Australia nian” dehan Fukumori iha ambitu serimonia asina akordu kooperasaun iha komandu jeral PNTL Kaikoli, (09/07).
Nia dehan husi kooperasaun nee sei hasae seguransa no protesaun maritima sei kontribui makaas atu resolve peska illegal la relata no la regula no atu promove liu tan governu ninia inisiativa ekonomia azul projeitu kooperasaun teknika JICA foun nee alina ho prioridade PNTL no governu Timor Leste nian.
Fatin hanesan Komisariu Jeran PNTL Henrique da Costa dehan, difikuldade ne’ebé UPM hasoru nee hatoo antes tinan 2 ba kotuk tanba UMP sira presiza ro atu bele halao sira ninia servisu iha seguransa tasi nian, nunee embaisador japan hamutuk ho JICA disidi no pronto atu apoia ro no ekipamentu balun ba nunee sira mos halao peskiza hamutuk ho UPM hodi identifika fatin sira ne’ebé koloka ro.
“sira identifika katak iha kuartel unidade nian rasik no biacou mak fatin iha ona no halo mellora atu bele ro nee atraka ba, sira laos atu fo deit ro maibe sira sei prepara nia kondisaun kompletu haruka ema tuir treinamentu ekipamentu no ro nia parajen tenke iha no tenke iha bee atu ro nee halao servisu hotu tenke fase” dehan komisariu PNTL Henrique da Costa.
Nia dehan tan, hafoin remata peskiza sira nee sira hanoin katak tenke iha akordu ruma nunee ohin halao ona akordu ba oin sei loke tenderizasaun nunee prosesu sei hein tinan 2 atu bele lori ro mai, nunee apoia nee sei fasilita UPM atu bele kombate peska illegal viajen illegal fronteira tasi nian no trafiku droga sira, nunee ro ho kuantidade 4 no bele tula ema too 10, nunee efeito husi apoia ro nee bele ajuda atu kontrola tasi ninin sira no ro sira nee sei kompleta ho fasilidade inklui formasaun ba UPM oinsa halo jestaun no manutensaun ba ro.