Reportajen Silvino Freitas
Operasaun konjunta Unidade Polísia Fronteira (UPF) iha semana ida nia laran konsege kaptura sidadaun timoroan ema nain 91 animal asu 2 osan inklui kilat anin, ema nain 91 husi membru arte marsiais ne’ebé atu halo gradusaun iha Indonesia, nunee komadante UPF husu ba sidadaun sira atu labele ultrapasa fronteira ho illegal ba atividade cultural tenke iha koordenasaun ho parte seguransa atu bele iha solusaun ba movimentu, nunee dadaun operasaun iha fronteira sei lao nafatin atu identifika monitoriza movimentu fronterisa nian.
Portavoz PNTL suprentidente João Belo dos Reis dehan, operasaun konjuntu husi ekipa ne’ebé hala’o iha fronteira atu identifika no monitoriza sidadaun sira ne’ebé halo movimentu iha sai no tama iha lina fronteira rejultadu ekipa halao hodi ajuda UPF iha fronteira nune’e konsege detekta kaptura no prende atividade ilegais ne’ebé hala’o iha lina fronteira.
“91 pesoas sidadaun timor leste iha lina fronteira ho atributu artemarsiais ne’ebé indika katak sidadaun sira nee ultrapasa fronteira ho intensaun atu tuir gradusaun ba artemarsiais balun, ita mos prende osan kuaze $2000 ho senapan angin ne’ebé sidadaun timor leste husi sorin lori mai rai laran no prende mos animal asu lori husi sorin atu tama mai timor leste” dehan portavos suprentidenti João Belo liuhusi konferensia-imprensa, (09/07).
Nia dehan tan, kona-ba animal asu dadaun nee iha hela moras asu rabies ne’ebé lao hela tanba nee evita hatama asu husi nasaun vizinu mai rai laran tanba iha risku ba animal sira iha teritoriu tomak, nunee mos sidadaun sira ne’ebé atu halao movimentu iha fronteira tenke tuir prosedimentu legais sira no laiha autorizasaun ba razaun atu halao atividade seluk.
Komadante UPF Euclides Belo dehan, sidadaun ne’ebé viola regra nasaun nian UPF laiha opsaun seluk foti medida tuir prosedimentu legal ne’ebé iha numeiru ema ne’ebé identifika iha 91 maibe dadaun operasaun sei lao hela atu bele identifika tan, nunee sidadaun sira ne’ebé iha nesesidade atu viajen pontu entrada iha mota-ain, mota-masin, sakato no oesilo nakloke hodi halao atendimentu viajen franterisa nian.
“dalan ne’ebé bolu illegal ka klandestina nee proividu kuandu mosu insidente ruma tanba nee dalan illegal ka klandestina nee proividu ba movimentu kuandu iha nesesidade cultural ita iha postu UPF no parseiru iha tenke halo koordenasaun hodi hetan solusaun, labele foti desizaun mesak hodi halo movimentu hodi hetan insidente no asidente” dehan komadante UPF Euclides Belo.
