Home Saude Lansamentu Vasina Sinovac, Primeira Etapa Ba Universidade no Komunidade Xineza

Lansamentu Vasina Sinovac, Primeira Etapa Ba Universidade no Komunidade Xineza

275
0
Lansamentu vasina Sinovac. [Foto: Joanina | 14.06.2021]

Reportajen Joanina Casemiro

Prezidente Parlamento Nasionàl (PPN) lansa  vasina COVID-19 Sinovac ba dahuluk nian,  ba estudante ho funsionáriu Universidade Nasional Timor Lorosa’e (UNTL) no komunidade Xineza iha Timor-Leste

Prezidente Parlamentu Nasionál, Anicetu Guterres iha nia diskursu hateten husi vasina bele hasae ita imunidade.

“Ita halakon total COVID ne’e imposivel maibé iha buat rua mak atu kontrola COVID-19, ita tenke refleta ita nia asaun tomak luta hasoru pandemia ne’e, ida fila mai ita ida-idak nia komportamentu” dehan Aniceto Guterres iha lansamentu vasina Sinovac iha UNTL, 14/06

Nia husu ba populasaun sira nafatin kumpre protokolu saúde nian ne’ebé rekomenda hosi Organizasaun Mundia Saúde (OMS)

Iha fatin hanesan Diretora Geral Prestasaun Saúde (DGPS),  Odete da Silva Viegas hateten vasina Sinovac foun ne’e fo Priodade liu ba Idade 18 anos ba leten, no ba komunidade Xineza iha Timor-Leste.

“Vasina Sinovac priodade ka altu ba iha estudante sira 18 anos ba leten, ba iha universitáriu, dosente ho professor sira hotu, tuir mai mak komunidade xineza sira. Ohin lansamentu ba iha Vasina Sinovac hahu iha posto 8 hanesan UNTL, IOB, DIT, SEJD, iha asosisaun  xineza Hudi Laran, Ai Mutin no Fatuhada inklui mos klinika Fatumeta.

Nia informa estudante total 60 mil resin, inklui ona professor sira estrutura universidade, tantu eskola públiku no mós privadu sira, se númeru ida ne’e mak ita alkansa, ne’e signifika katak vasina Sinovac 100 mil dozes ne’e ita uza ba 50 mil pessoa mak hetan ona ba vasina ida ne’e .

Nia  hatutan katak sira iha ona planu ba vasinasaun ida ne’e, nia durasaun ba semana ida iha Dili laran de’it, la espalla tan ba Munisípiu tamba kuantidade vasina ne’ebé mak iha, espera katak vasina bele kobre hotu iha Dili.

Print Friendly, PDF & Email

LEAVE A REPLY

Please enter your comment!
Please enter your name here