Home Notisia Asanami: Apoiu Umanitariu Hanesan Hahan Ho Bee Importante Durante Estadu Emerjensia

Asanami: Apoiu Umanitariu Hanesan Hahan Ho Bee Importante Durante Estadu Emerjensia

2350
0
Prezidente Partidu Demokratiku, Mariano "Asanami" Sabino. [Foto: Santina Lucia da Costa | 29.01.2020]

Reportazen Francisco JDA

Parlamentu Nasional [PN] halao diskusaun konaba pedidu hosi Prezidente da Republika, atu autoriza Prezidente hodi dekreta Estadu Emerjensia tanba moras virus Corona.

Liu hosi plenaria iha uma fukun Parlamentu Nasional, Deputadu bankada Partidu Demokratiku [PD], Mariano Sabino “Asanami” hateten hamosu estadu emerjencia, hodi bele prevene Covid-19 no presiza asaun kurativa no preventiva hosi doutor no presiza apoio umanitario

“Se ita estadu emerjensia inan aman sira barak liu iha Dili laos trabalahador no funsionario hotu maibe barak mak servisu fila liman no buka moris. Apoio umanitario ne’e presiza ekipa boot ida tanba bainhira situasaun mosu, mak hahan no bee presiza mobiliza ho didiak, tanba iha fatin barak lockdown labele sai hosi uma ona. Hahan no sususben labarik nian, no presiza organiza aimoruk”, hateten Asanami iha PN, 25/03.

Asanami hatutan mobilizasaun hahan ba uma no fatin sira, bainhira mosu estadu emerjensia ne’e buat boot ida, tanba ne’e situasaun estraordinario, asaun mos estraordinario.

Asanami mos hateten material ba prevensaun Covid-19 ne’ebe mak kualidade liu mak hosi Korea no Xina. Material importante para bele prevene an, liu -liu ba Polisia Nasional Timor-Leste [PNTL], Forsa Defeza. Se grave liu governu ho membru deputadu sira tenke hola parte iha apoiu nasional umanitario nian

“Se ema hotu ba subar an no izola an se mak atu halo mobilizasaun ba situasaun ne’e, atu fo todan ba se” tanba situasaun seidauk grave, se situasaun mosu ona brani ka lae? responsabilidade ona brani ka lae iha situasaun difisil”, tenik Asanami

LEAVE A REPLY

Please enter your comment!
Please enter your name here