Reportajen Silvino Freitas
Komisaun rekrutamentu ba kadetes foun Polisia Nasional Timor Leste (PNTL) seidauk bele halo teste mediku ba kadetes foun hamutuk 400 neebe aprovadu ona tanba ekipamentu reajente atu halo teste hanesan CBC Kimia no Serolojia iha laboratorio-nasionál Ospitál Nasionál Guido Valadares (HNGV) dadaun nee laiha nunee komisaun halo mudansa orariu ba teste mediku nian, nunee mos liga ho polemika grupuizmu no familiarizmu komisaun husi ba kadetes foun atu bele hatoo keixa hodi prosesa tuir dalan legal nunee pesoal neebe komete bele toma responsabilidade rasik.
Portavoz Komisaun Rekrutamentu Suprentidente Polisia Antonio da Luz dehan, komisaun rekrutamentu seidauk bele halo teste mediku ba kadetes foun neebe aptu hamutuk 400 atu tuir teste mediku tanba fasilidade reajente dadaun seidauk iha nunee sira sei hein fali ekipamentu sira nee atu too ona mak foin bele halo teste ba kadetes foun neebe aprovadu ba teste mediku nian.
“hanesan semana kotuk fo sai ona ba publiku katak dia 10 sei halo teste mediku ba kandidatu sira neebe aptu 400 pesoas nee maibe depois departamentu saude halo koordenasaun saude ho laboratorio nasional HNGV ba konfirma katak ekipamentu neebe atu teste hanesan reajente too agora seidauk iha tanba nee maka aproveita biban nee atu fo sai fali ba publiku liuliu ba kadidatu sira atu bele hein too ekipamentu nee too ona ami sei konfirma fila fali atu bele mai tuir teste saude nian” dehan Portavoz Komisaun Rekrutamentu Suprentidente Polisia Antonio da Luz liuhusi konferensia imprensa iha CFP Comoro, (09/02).
Enkuantu liga ho polemika familiarizmu no grupuizmu iha prosesu rekrutamentu maka komisaun rekrutamentu liuhusi Suprentidente Polisia Antonio da Luz dehan, ema neebe la satisfaz ho prosesu nee iha dalan legal neebe iha tanba komisaun neebe halao ninia kanaar hahu husi prosesu vefikasaun ba dokumentu maka liu selesaun nunee ema neebe la satisfaz ho prosesu nee neebe detekta liga ho polemika nee bele hatoo keixa nunee pesoal sira neebe komete bele responde, depois sekretariadu mos pronto atu responde ba prosesu legal neebe iha.
“ema ruma ba hato’o ona keixa ba parte kompetente sira pronto atu responde ida ho prosesu neebe legal ita labele publika los ka lae, haul abele responde ba ida maibe prosesu hotu ita entrega ba prosesu legal, se mak senti la satifaz ba prosesu nee iha direitu bele ba keixa nunee sekretariadu pronto atu responde” dehan Portavoz Komisaun Rekrutamentu Suprentidente Polisia Antonio da Luz liuhusi konferensia imprensa iha CFP Comoro, (09/02).
Nia dehan tan, iha diploma ministerial numeiru 17 mensiona katak prosesu hotu hotu aptu nao aptu teste kultura, fiziku maka la passa la passa ona mai fali iha diploma ministerial numeiru 37 muda prosesu hotu hotu too final maka halo klasifikasaun katak nia aptu ka la aptu.
“agora eleminatoriu nee iha teste saude tanba nee la hanesan ho prosesu teste bainbain liga ho ita pesoal nia kondisaun ba mak detekta dehan ema nee moras la liu” dehan Suprentidente Polisia Antonio da Luz.
Nia konklui, konaba publiku nia kestionavel nee normal maibe ema neebe sente ofendidu bele halo reklamasaun maibe reklamasaun refere tenke mai husi kandidatu rasik konaba prosesu seluk neebe la satisfaz iha dalan legal, tanba prosesu lao ona naran taka sai ona nunee kandidatu sira neebe la satisfaz bele halo reklamasaun tuir razaun neebe sente ofende, tanba nee prosesu kontinua lao nunee ekipamentu ba mediku nian maki ha karik aban kandidatu sira hahu teste ona, maski knadidatu sira halo reklamasaun maibe prosesu sei lao nafatin labele para.