Reportajen Umbelina dos Reis
Lansamentu rute foun ne’e konsidera hanesan pasu estratéjiku ida hodi loke oportunidade barak liu tan ba viajen, negósiu no turizmu, nune’e mós fó kontribuisaun direta ba kresimentu ekonomia nasaun nian.maibe ticket aviaun nia presu mantein nafatin hanesan sira seluk nian.
CEO Aero Dili Lourenço de Oliveira hateten, Objetivu hosi konferensia ne’e loron atu informa ba publiku loron 28 fulan marsu tina ne’e Aero Dili primeiru vou sei semo ba Malaysia iha semana ida dala rua, iha loron tersa-feira no loron sabadu. Maibe Aero Dili semo tuir lei aviasaun nian. Nia ba ona Mahakota Medikal Center iha Malaka ne’eba sira entusiasmu hakarak simu pasiente hosi Timor-Leste. Tanba nia rasik ba haree ona sira nia hospital ne’eba sira 30% prontu simu ita, tanba Timor oan serve para atu ba ne’eba tanba foin primeira vez, nune’e Aero Dili servisu hamutuk ho hospital Mahakota Medikal Center iha Malaysia, nune’e ita nia merkadu ne’e bele lao diak liutan iha futuru.
Nia dehan, depois iha 24 fulan maio Aero Dili sei vou tan ba iha Darwin, loron tersa-feira sai hosi Timor-Leste durante duas oras, depois fila hosi ne’eba mai 04:00 oras too fila-fali mai Timor. Depois loron domingu semo iha dadersan 08:00 oras depois aviaun fila-fali mai 09:45 otl.
“Agora ita servisu hamutuk ho ANATL nune’e bele halo rame fila-fali ita nia Aero portu Internasional Nicolau Lobato, nune’e ita bele promove diakliu tan ita nia rai ba mundu Internasional. ” Dehan CEO Aero Dili Lourenço de Oliveira, ba Jornalista sira iha Otél Timor, sexta-feira, 27/02.
Nia dehan, aviaun Aero Dili iha rua maibe aviaun ida deit seidauk iha 300 oras, maibe tuir standar aviaun nian fulan ida aviaun tenki 300 oras. Maibe ita nia nain rua mak foin 200 ital nune’e hakarak ka lakohi tenki aumenta oras.
” Sekarik ita nia merkadu ne’e mak diak ita tenki aumenta tan aviaun ida iha ne’e ou tinan oin, tanba sei semo tan ba Thailandia no Philippina. Semo lokal mak iha Oe-cusse deit nune’e bele taka malu, nune’e pasajeiru ladun barak bele subsidiu fila-fali ba pasajeiru ne’ebe ladun barak ba kustu.” Nia dehan.
Nia informa tan, se iha posibilidade Aero Dili bele semo direta ba nasaun Korea tanba Korea mos iha merkadu ne’ebe diak tanba ita nia traballador barak mak servisu iha ne’eba. Se maromak tulun no sorte liu-tan tinan 2030 Aero Dili iha programa prinsipal atu semo ba europa.
“Existensia Aero Dili komesa iha, ticket nia presu hanesan hotu, maibé se laiha Aero Dili dalaruma ticket nia folin oin seluk, nune’e ba maluk sira ne’ebe dehan ticket folin karun ne’e tanba haluan tiha situasaun konaba mina ne’ebe dau-daun ita uza iha ita nia rai ne’e folin karun liu iha mundu internasionál, nune’e ticket nia folin ba Malaysia no Darwin nia presu hanesan, tanba ema seluk mai faan iha ne’e oin seluk ita faan oin seluk ne’e labele.” Nia konklui.