Reportajen David da Costa
Iha ekontru Semanal entre Primeiru Primeiru Ministru (PM) Kay Rala Xanana Gusmão ho Prezidente Republika (PR) José Ramos-Horta. Xefe governu garante katak kombustivel ba transporte sir abele to’o iha fulan neen.
Primeiru Ministru, Kay Rala Xanana Gusmão, hatete, ohin enkontru semanál ho Prezidente Repúblika hodi informa kona-ba horseik iha reuniaun Konsellu Ministru halo mos rezolsaun ida atu kria komisaun ida atu haree kona-ba presu kombustivel.Tanba ne’e komisaun sira ne’e bele haree, atu nune’e garante kombustivel ne’e to’o iha fulan neen ne’e sei iha
“Horseik iha Konsellu Ministru ami halo rezolusaun balun, ita temi kona-ba kria Komisaun ida atu haree ba presu petroleu buat sira ne’e hotu oinsa komisaun ne’e sei haree sekarik bele ita garante to’o fulan neen ne’e iha, nune’e labele falta,” dehan Primeiru Ministru, Kay Rala Xanana Gusmão ba jornalista sira iha Palasiu Prezidensia Bairo-Pite, Kinta 26/03.
Nune’e mos, iha hasoru malu ne’e Primeiru Ministru mos informa ba Prezidente Republika kona-ba rekrutamentu foun ba Polisia Nasional Timor-Leste (PNTL), tanba iha Komisaun Monitorizasaun no Fiskalizasaun ne’ebé identifika evidénsias sufisientes lubun ida hodi hatudu ezisténsia irregularidades materiais ne’ebé grave iha prosedimentu konkursu nian ida-ne’e.
Haree ba irregularidade ne’ebé identifika ne’e, Konsellu Ministrus aprova projetu Rezolusaun Governu ne’ebé determina anulasaun parsiál ba Konkursu Públiku Admisaun iha Kursu Formasaun Ajentes Polísia Nasionál Timor-Leste 2025 no mandatu ba abertura konkursu iha tinan 2026.
Bainhira xefe estadu ho xefe Governu remata enkontru, kontinua kedas ba partesipa sorumutu Konsellu Superiór Defeza Seguransa nia hodi ko’alia kona-ba kestasun seguransa iha Timor-Leste,
