Timoroan balun neebe sai kliente ba Game Online SnapBoost dadaun nee ejiji hela sira nia osan ba tanba sente sai vitima ba game refere tanba atu halo rejistrasaun ba game refere tanke halo depozitu hahu husi $35.00 too $6000.00 maibe sira too agora la simu osan funan neebe responsavel ba kompana promote ona ba sira maibe sira seidauk simu no sente osan lakon, maibe responsabilidade ba game refere heteten osan labele foti tanba tenke foti iha kliente ida idak nia rekening maibe kliente sira antes nee halo rejistasaun ba uza rekenin maibe lori deit kartaun eleitoral no Bilete Indentidade, no nain ba game refere naran Dessy ema Indonesia neebe dadaun nee iha Indonesia maibe lakon ona kontaktu ho responsavel sira.
Kliente Sonia Freitas dehan, antes nee sira lori dokumentus hanesan Bilete Identidade atu halo rejistrasaun ba Game Online SnapBoost neebe antes tama sira rona uluk instrusaun husi Bella Markes neebe halo esplikasaun ba sira no tenke bolu ema barak atu bele tama iha grupu nee, nunee nia halo esplikasaun maibe la halo perguntas ruma no nia konsege konvense ema barak tama iha grupu refere, nunee nia rasik hatama osan hamutuk $600.00 hodi halo rejistrasaun ba ba game online refere.
“hau rejistu $600.00 balun $5000.00 balun $6000.00 balun barak liu hau, mana bela nee mak fahe informasaun nee osan nee fo ba nia hodi halo prosesu osan nee ema balun nia fo nia rekening mak ema balun ba iha mosan mak send ba nia rekening” dehan Kliente Sonia Freitas ba jornalista liuhusi via telephone, (10/04).
Nia dehan tan, Anabela Markes neebe halo off line edukasi mak tenke responsabiliza ba osan neebe kliente sira rejistu ba nia tanba osan sira nee nia rasik maka simu iha nia liman laran, nunee nia tenke reembolsa osan sira neebe halo rejistrasaun tanba nia maka lori informsaun sira nee hodi bosok, tanba sira la konsege foti osan funan neebe sira hetan husi game refere tanba sira nia osan neebe rejistu nee mos too dadaun nee sira la foti.
“nia fo sai primeiru nee iha ninia live tiktok halo ema barak penasaran entaun hau nia subrina ida mak bolu fali hau entaun nia fo ona off line edukasi iha neeba nia lingua nee mos atria duni ema hanesan nia mak aplikasi ba buat ida nee, tanba ami mos hanoin kloot entaun ami husu mana buat nee nia kantor iha neebe, lae ita tenke tama barak mak ema husi Amerika nee loke nia brand iha nee entaun momentu nee nia infuluensia ema barak tama iha game nee” dehan Sonia.
Sorin seluk kliente Rivaldo dehan, nia hanesan membru foun ba game online SnapBoost neebe halo rejistrasaun ho osan $250.00 maibe seidauk foti osan funan ruma mosu ona problema, tanba nia halo rejistrasaun iha ospital fatin AMTL nia tanba momentu neeba nee iha katuas balun neebe depositu ho osan $1500.00 nunee nia mos halo depozitu neebe atu foti osan funan iha dia 4 maibe muda too agora.
“hau ba rejistu lori kartaun eleitoral depois osan nee transfere fali ba kolega balun nia rekening mak sira foti osan mak fo fali mai ami” dehan kliente Rivaldo.
Rivaldo dehan, osan neebe nia lori halo rejistrasaun nee iha $150 entaun sai mai $164 hamutuk $328 agora sae ba $400 ona mais osan labele foti, nunee ninia rejistrasaun halo iha Bela Markes tanba nee nia tenke fo fila osan inan karik laiha sira sei dada sasan sira neebe Bela Markes dadaun nee iha no karik nia iha karreta ruma mak sira sei faan atu reembolsa fali nia osan.
Liga ho problema refere jornalista halo konfirmasaun ho Anabela Markes neebe responsavel ba game iha timor leste dehan, kompana game online SnapBoost nia husu maun julio neebe antes nee lori primeiru mai nee maibe hateten sira hasoru malu ho nain ba kompana iha Surabaya maibe foin iha 2025 mak kontaktu nia nunee halo nia triste tebes, tanba antes nee nia mak halo esplikasaun oinsa atu uza game husi account neebe rejistu iha ema ida idak nia telephone nee maibe ema neebe lori kompana mai nee mos la hasoru nia no liu husi menjasen deit.
“maibe fallansu ida mak durante nee maun juli mos la hasoru maibe husi mensajen deit ida nee mak halo hau atu bulak deit nee too agora nee, hau dehan hanesan nee ita koalia lao tiha hanesan nee hau hanoin ita boot hasoru tiha ona ema nee telephone ba ema nia inan nee ameasa tan ema nee antes nee hau mos deskonfia ona maibe tanba garantia ona maun juli kolega sira hetan osan boot maibe agora lao tiha fali hanesan nee hau mos koalia la hatene ona” dehan Anabela Markes neebe klarifika ba jornalista liu husi via telephone.
Anabela dehan, nia fo hatene ona juli atu bele dada osan neebe iha ona kliente sira nia account game nia laran maibe nain ba game refere naran Dessy neebe dadaun nee iha hela Indonesia hatan kliente sira labele foti osan husi ema seluk inklui nia Anabela ho Julio maibe tenke husi sira nia rekening rasik.
