Reportajen Filomena da Conceicao
Oxfam iha Timor-Leste servisu hamutuk ho Asosiasaun Jornalista Timor-Leste (AJTL), hodi fasilita formasaun Ba jornalista sira Kona-ba oinsa feto bele hetan direitu ba rai, Prosesu Propriedade no uza termu neebe apropriadu ba Lei espropriasaun, despezu Admintrativa no eviksaun.
Iha intervista advigado Tito dos Reis hanesan formador ba formasaun refere hateten, iha treinamentu refere ne’e importante ba jornálista sira oinsá atu utiliza termos sira kazu liga ho prosesu espropriasaun no propriedade ba rai.
“Liu husi treinamentu ne’e bele fó ona sira nia kapasitasaun no haklean Konesimentu ba jornálista sira para oinsá sira bele utiliza termos ne’ebé lolos tanba sira la’ós ema bekgraun lisensiadu iha direitu ka área direitu nian hanesan profisaun jornalista sira nia servisu hanesan jornálista ne’ebé kobertura iha terenu entaun dala barak sira nia Konesimentu sobre asuntu legál ka termus juridiku sira ne’ebé define iha lei sira ne’e difikulta ba servisu jornalismo ninian”. Dehan Tito ba Jornalista sira iha edifisiu OXFAM, sesta/15/06
Nia hateten, Iha Lei garante katak feto sira iha dereitu atu koalia ka espresa sira nia direitu ba rai maske antes ne’e mane mak ih liu direitu tanba iha KRDL grante deitu ema hotu nia neebe hanesan atu asesu ka hetan rai eransa sira tanba feto sira tenke brani nafatin Hodi exije nia direitu sira.
“Ba Inan feton sira, Estadu ka governu garante direitu hotu-hotu igualidade tantu feto nia mane nia direitu neebe hanesan atu koalia saida Mak Ita sente, tanba nee labele tauk tanba Lei grante, tanba nee nafatin barani atu koalia sai”, dehan Tito
Iha Fatin hanesan, Manuela Moniz husi media Divine Favour Media, hateten Nia orgullu ho formsaun neebe oferese husi OXFAM no AJTL nee,tanba bele fó formasaun ba jornalista sira oinsá atu hatene termus kobertura ba termus juridiku ba lei nian
“Ha’u sente agradese ba AJTL no oxfan tanba bele fó ona formasaun ba ami jornálista sira hodi aumenta Konesimentu kona ba oinsá atu hatene asuntu termus juridiku kobertura iha lei Ba Rai nia no oinsa atu halo kobertura ba feto Sira Nia direitu hodi bele hetan rai eransa sira.
Iha fatin hanesan jornálista independen Graca sandra de Carvalho senti orgollo tebes tanba treinamentu ne’e bele fó Konesimentu kona ba oinsá atu kobertura ba feto nia direitu ba rai no termus juridiku ba lei
“Ha’u sente orgollo tebes ba treinamentu ida ne’e tanba treinamentu ida ne’e bele fó ona koinesimentu kona oinsá ami bele hatene kobertura ba feto nia direitu ba rai no oinsá ami bele hakerek termos notisia ba lei no ba artigo sira” dehan Sandra
Entretantu, formsaun refere halao durante loron 3 no hetan partisipasaun Sira husi membru Asosiasaun Jornalista Timor-Leste (AJTL), hamutuk (17) no membru sira husi sosiedade sivil nian.