Reportajen Umbelina dos Reis
Lao Hamutuk realiza enkontru publiku ho tema: “Transparénsia no partisipasaun publiku iha Timor-Leste” Objetivu hosi enkontru ida-ne’e bele kria rede trabaillu ida-ne’ebe diak liu-tan liga ba asuntu orsamentu jeral estadu (OJE) 2027 nia ne’ebe dau-daun ne’e hahu ona hosi governu ho Ministériu Finanças halo hela servisu boot ida ne’e espera orsamentu jeral estadu (OJE), 2027 nia bele transparénsia liu-tan nune’e publiku bele hola parte liu-liu ba asuntu no setor ba save sira-ne’ebe mak relasaun direita ho povu nia moris.
Peskizadora Lao Hamutuk, Elia da Costa Araujo hateten, Objetivu hosi enkontru ida-ne’e atu lori ita ba halo dialogu no estratéjia ida-ne’ebe diak mak ita presiza halo asuntu ba transparénsia publiku. Durante ne’e Lao Hamutuk halo servisu ne’ebe mak sira halo realiza katak ita sempre hetan ezijénsia ida bainhira ko’alia konaba transparénsia liga ba politika publika, sira-ne’ebe produs ita sempre kritika hosi parlamentu nasional hateten katak sira publika se mak atu lê.
“Agora kestaun ida-ne’e sai perguntas boot ida durante ita nia advokasia iha uniku Ministériu Finanças mak halo nia papel servisu ba transparénsia loke ba publiku maibe iha mos dezafiu lubuk ida ne’ebe mak lao hamutuk deskobre katak Ministériu no parte governu importante loos ne’e halo transparénsia ba publiku atu hatene antes de sira foti desizaun ruma ne’e sei menus tebe-tebes.” Dehan Peskizadora Lao Hamutuk Elia da Costa Araujo, ba Jornalista sira iha salaun antigo komarka balide, kinta-feira, 23/07.
Nia dehan, lao hamutuk sei aprezenta konaba dezafiu ne’ebe durante ne’e ita hasoru no rona vizaun jeral hosi perpetiva akadémiku balun.
“Espera diskusaun iha loron ida-ne’e bele kria rede trabaillu ida-ne’ebe diak liu-tan liga ba asuntu orsamentu jeral estadu (OJE), 2027 nian, ne’ebe dau-daun ne’e hahu ona hosi governu ho Ministériu Finanças halo hela servisu boot ida espera ita bele ajuda nune’e OJE 2027 bele transparénsia liu-tan nune’e publiku bele hola parte liu-liu ba asuntu no setor save sira-ne’ebe mak relasaun direita ho povu nia moris.” Nia dehan.