Governu Timor-Leste sei apoiu igreja katolika Timor-Leste hodi translada hikas restus mortais nain 3 inklui Dom Martinho Lopez husi Portugal mai Timor-Leste iha dia 1 setembru, nune’e iha dia 18 sei iha missa agradesimentu iha igreja Esperito Santo Evora Portugal ne’ebe sei prezidi husi bispu dioseze Baucau Dom Leandro no governu sei reprezenta husi Ministeriu Planeamentu Investimentu Estratéjiku (MPIE) Gastão.
“Iha dia 19 lokraik sei iha missa iha igreja katedral Evora Portugal prezidi husi patriarak no nunsiatura husi Portugal ho governu iha neeba maka iha neeba mak sei iha diskursu agradesimentu husi governu portuguesa hodi entrega bispu rua sidadaun portuguesa ho ita nian rasik” dehan MAE Tomas Cabral iha Kaikoli, (31/07).
Nia dehan tán, ekipa ida mos sei ba husi Timor-Leste hodi simu dokumentu balun inklui restu mortais sira ne’ebe sei akompaña husi polisia Portugal hodi lori husi Evora ba iha aeroportu Lisboa nune’e iha dia 22 sei seladu, nune’e urna ho sasan seluk sei too iha Bali Indonesia nune’e dia 1 setembru sei lori Timor-Leste ho aviaun Aero Dili nunee sei lori ba tasi-tolu hodi vizita ba fatin ne’ebe preparadu ona.
“Reuniaun ohin atu koordena deit ho ministeriu interior ministeriu defeza ministeriu transporte komunikasaun RTTL aeroportu atu koordena de’it preparativu atu simu iha Dili” dehan Ministru Tomas Cabral.
Nia informa tan, governu nia papel mak translada deit maibe too iha ne’e sei entrega ba Sentru Episkopal Timor-Leste (CET) hodi bele lori urna hirak nee ba vizita iha Manatuto kalan ida hodi omenajen mos iha ponte ne’ebe governu desidi ona tau naran Dom Martinho Lopez nune’e sei fil mai Dili ho atividade balun iha sidade laran neebe sei organiza husi igreja depois sei haloot iha Katedral Dili.
“Foufoun ita hanoin buat ne’ebe fasil korespondensia entre governu ho governu rate sira iha Portugal nee ema selu ne’ebe tenke iha polísia sientifiku karta husi nee korespondensia hodi ko’alia ho governu, ne’ebe mai nee governu apoiu igreja” informa Tomas Cabral.