Reportajen Umbelina dos Reis
Iha ámbitu komemorasaun loron 12 Novembru 1991 ba dala-30 ne’ebe koñesidu ho naran masakre Santa Cruz, ba jornalista sira Prezidente Komité 12 Novembru husu deskulpa ba premiadu Laureadu Nobel da Paz no nu’udar eiz Prezidente Repúblika, Dr. Jose Ramos Horta, tanba protokolu la temi nia naran iha serimónia refere.
Prezidente komité 12 Novembru (PK12N), Gregório Saldanha hateten iha biban ida ne’e, hakarak husu deskulpa ba Premiadu Laureadu Nobel da Paz no eis Prezidente Repúblika, Dr. José Ramos Horta tanba la temi nia naran iha ámbitu komemorasaun 12 Novembru.
“Ohin protokolu la temi José Ramos Horta nia naran iha ne’eba, ho ida ne’e hau husu deskulpa ba Premiadu Laureadu Nobel da Paz no Eis Prezidente Repúblika José Ramos Horta,” dehan nia ba jornalista iha santa Cruz, Sesta 12/11.
Nia haktuir ohin ba bolu atu mai tur iha ohin, maibé Premiadu Laureadu Nobel da Paz ne’e rejeita tanba tuur diak iha kotu, ne’ebe nia mos iha desizaun katak tuur kotuk, ita mos respeita importante mak ita labele hamenus ita valor iha Lider sira nian”.
Nia konklui hanesan Dr.Jose ramos Horta, lider Diplomata iha rai liur, manan Premio Novel da Paz, eis titular, Prezidente Komité husu deskulpa, maibe ne’e deskoidu la hamenus sira nia kategoria, ho Dr.Jose Ramos Horta, ho maun sira selu-seluk.
