Reportajen David da Costa Gusmao
Iha eleisaun segunda volta, Kandidatu Prezidente Republika (PR) ba periodu 2022 to’o 2027, Dr. José Ramos Horta ho numeru sorteiu 1, kontinua sai vensedor iha sentru votasaun, iha Eskola Ensinu Basiku Central (EBC) númeru 1 Faról ho totál eleitór hamutuk 1373.
Iha kontajen votus iha sentru votasaun Eskola Ensinu Basiku Central (EBC) númeru 1 Farol ne’e Kandidatura nain rua, maka kandidatu José Manuel Ramos Horta ho numeru sorteiu 1 no kandidatu Francisco Guterres Lú Olo ho numeru sorteiu 2 hadau malu ho votus no ikus mai kandidatu Prezidente Republika Ramos Horta maka sai vensedor iha sentru votasaun ne’e ho totál votus 1373 no kandidatu PR Lú Olo ho total votus 488.
Total votante iha suku motael hamutuk 4,939 no iha suku Motael ne’e fahe ba iha sentru votasaun haat, maka sentru votasaun eskola Ensinu Basiku Central (EBC) numeru 1 Farol, sentru votasaun juventude Bebora, sentru votasaun sede suku Motael no sentru votasaun armajen Bebora.
Iha eleisaun segunda volta iha sentru votasaun Eskola Ensinu Basiku Central (EBC) númeru 1 farol, iha estasaun haat no eleitór sira ne’ebé maka ohin ezerse nia direitu hamutuk 1873, no iha eleisaun primeiru ronde ne’e eleitor hamutuk 1954 no kompara ida agora ne’e taxa partisipasaun eleitór tun.
Nune’e mós sentru votasaun iha Eskola ensinu Báziku central (EBC) númeru 1 Farol, iha votus nulu iha 12, votus branku iha 0, votus reklamandu iha 0 no votus rezultadu iha 0.
Tuir observasaun Jornalista Neon Metin iha terenu katak, iha kontajen votus ne’e, situasaun lao normal no akompaña husi observador Nasional, Internasional, STAE, CNE, no fisikais husi kada kandidatu nian, no hetan seguransa másimu hosi Polisia Nasionál Timor-Leste (PNTL).
