Reportajen Silvino Freitas
Forum Organizaun Naun Governamentál Timor Leste (FONGTIL) klarifika sira nia pozisaun ba situasaun eis professor kontratadu ne’ebé dadaun ne’e nafatin sai problema maka tenke buka solusaun liu-husi prinsipiu win-win solution, nune’e mós sira ejiji ba Polísia Nasionál Timor-Leste (PNTL) atu liberta professor sira ne’ebé dadaun ne’e detein hela, ejiji mos ministériu-edukasaun atu labele halo diskriminsaun ba professor kontratadu sira, sira mós husu Provedoria Direitu Umanu no Justisa (PDHJ) ho Komisaun Funsaun Publika (KFP) tenke loke investigasaun ba ministériu-edukasaun.
Liu-husi konferénsia-imprensa ne’ebé FONGTIL halo iha salaun Conosa Has-laran porta-voz José Monteiru deklara, sira nia pozisaun ba problema eis professor kontratadu sira ne’ebé kontinua ejiji sira nia direitu liu ona fulan 3 ba ministériu-edukasaun atu bele toma nota hodi buka solusaun alternánsia maka konkorda husi parte rua ministeriu edukasaun no eis professor kontratadu sira, nunee husi problema sira nee tenke resolve ho aprosimasaun ne’ebé integradu no holistiku husi desizaun publiku ne’ebé responsivu ba asuntu sira ne’ebé liga ho estatutu eis professor 2023, ne’ebé to’o dadaun ne’e seida’uk iha desizaun ida ne’ebé bele lori satisfasaun ba professor sira iha prinsípiu win-win solution, nune’e sira kontinua ejiji sira nia direitu to’o hetan kapturasaun husi polisia dadaun ne’e detein iha sela detensaun polisia nian.
“FONGTIL hanesan sosiedade sivil ne’ebé hakarak hato’o ami nia pontu de vista maka atu PNTL urjentimente atu liberta sira husi sala detensaun PNTL nian, tanba sira la’ós kriminozu nomós laiha provas ba sira katak violsaun ba lei manifestasaun” dehan portavoz FONGTIL José Monteiru ba jornalista sira liu-husi konferénsia-imprensa iha salaun Canosa Has-laran, (07/03).
José dehan, FONGTIL ejiji ba paralmentu-nasionál komisaun G atu bolu urjenti ministra edukasaun hodi introduz nunee bele buka solusaun liuhusi dalan dialogu, nunee ministreiu edukasaun presiza tau atensaun hodi fo solusaun lalais atu labele prejudika estudante sira nia prosesu aprendisajen, ministeriu edukasaun tenke konsidera sira tuir dekretu lei ingresu-espesiál nian hodi dignifika no valoriza sakrifisiu professor sira nian ne’ebé tinan barak ona kontrbui ba dezenvolviementu edukasaun, ministeriu edukasaun labele halo diskriminsaun ba professor kontratadu tinan 2023 nian.
“ami husu ba konfisioza relijioju atu bele fo hanoin ba governu hodi solusiona situasaun professor sira nian ho dalan ne’ebé pasifiku, ami husu ba eis professor kontratadu sira atu mantein asaun pasifiku hodi evita perturbasaun orden-publiku, ami husu ba PDHJ, KFP atu loke prosesu invetigasaun hasoru ministeriu edukasaun” José sujere liu-husi konferensia imprensa ne’ebé halao iha salaun canosa has-laran.
