Reportajen Joanina Casmiro
Provedor dos Direitus Humanus no Justisa (PDHJ), Virgílio da Silva Guterres, nuudar orador ba The Dili Dialogue Forum, hateten ba Jornalista sira tenke evita hakerek notisia sensasional, tanba Viola prinsipiu Igualiadade generu no explora feto nia vuneravel sai notisia.
“Husu ba Jornalista, atu labele buka notisia titulu sai sensasional ne’e tanba, ita nia sosiedade sira hau hanoin nia tradisosais Timor ne’e patriarki mak dumina, entaun notisia foin koalia Kona-ba ba violénsia sexual, violénsia domestika sira esplora mak ida ne’e, fen hetan bankada tanba fen la prepara kafe ba nia laen titlu sira nee sensasional, seluk tan ba Amu lulik sira ou ba padre sira ne’e sira dehan ita ne’e moral la iha, ema ne’e nia vitima tiha ona ba ita nia reportasaun ita nia kobertura ne’e fo todan tan ba nian”, hateten Provedor iha ninia kursu DDF, iha salaun multi Usos GMN, bebora, sengunda, 12/05.
Nja esplika, jestaun notisia balun neebe Konsellu Imprensa produs ona manual ba kobertura neebe relasiona ho kobertura bazea ba jeneru atu evita titulu sira neebe sesasional, ho nunee jornalista sira tenke buka hatene hodi hakerek kona ba autor neebe mak kria problema ba asuntu refere nunee labele hamosu titlu sensasional iha publiku.
” Titulu sira neebe viola prinsipiu Igualidade jeneru ita uza esplora feto nia vulneravel sai ita nia notisia hau hanoin husu ba Jornalista atu evita buat ne’e, manual hau hanoin ka hatene katak iha ona prexe produz ona Kona-ba ida ne’e husu ba Jornalista favor lee buat sira ne’e atu nune’e, molok diside titulu ka konteudu ne’e tenke haree diak-diak, tanba hanesan papel atu promove direitu humanus Igualidade jeneru mos sai parte husi Formasaun direitus humanus”, hateten PDHJ
“PDHJ ho media ho Jornalista sira ita aliadu iha luta ba Adevokasia atu defende sira nia direitus humanus ou hanesan responsabilidade Tradisional jornalismu nian, Knaar media nia atu promove no asegura direitus humanus, liberdade Imprensa, liberdade espresaun tuir perspetiva provedor nia, media bele serve hanesan sinal transitu exemplu PDHJ halo nia servisu dalaruma ida bazea ba ema hato’o keixa.
