Reportajen David da Costa
Primeiru Ministru Malázia, Anwar Ibrahim, hato’o ninia tristeza no sentidu kondolénsia ba Partida eis Prezidente Repúblika Timor-Leste, Francisco Guterres “Lú-Olo”, no Povu Malázia lutu hamutuk ho povu Timoroan.
Primeiru Ministru Malázia Anwar Ibrahim, hato’o ninia tristeza ho mate eis Prezidente Repúblika Timor-Leste, Francisco Guterres “Lú-Olo”. Nia sente triste tebes ho partida lider nasionál ne’e no, husi Malázia, nia hato’o sentidu kondolénsia ba família enlutada no ba povu Timor-Leste tomak.
“Ha’u sente triste ho Eis Prezidente Timor-Leste, Francisco Guterres nia mate. Lori Malázia nia naran, ha’u hato’o sentidu kondolénsia ba nia família no ba povu Timor-Leste,” dehan Primeiru Ministru Malázia Anwar Ibrahim, iha nia Pagina facebook Ofisial ne’ebe Neon Metin asesu, Segunda 22/06.
Nia haktuir, Prezidente Guterres nu’udar jerasaun ne’ebé manán Timor-Leste ninia independénsia. Nia hala’o tinan barak iha rezisténsia, iha ne’ebé nia sai koñesidu ho naran Lú-Olo.
No depois serbí nia rain nu’udar Prezidente Parlamentu Nasionál no nu’udar Xefe Estadu. Liuhusi buat hotu ne’e, nia nafatin dedikadu ba liberdade nia povu nian no ba kriasaun nasaun demokrátiku ida.
“Malázia halo lutu ba nia mate hamutuk ho povu timoroan. Nia sei hanoin iha ne’e ho respeitu no afetu,”
Entertantu, eis Prezidente Repúblika Demokrátika Timor-Leste (RDTL), no atuál Prezidente Paridu FRETILIN Francisco Guterres Lú-Olo, hakotu nia iis horseik iha Ospitál Prince Court, Kuala Lumpur, Malázia, hafoin hala’o tratamentu saúde intensivu.
Bele lee mos notisia ida ne’e: https://neonmetin.info/buletin/2026/06/22/francisco-guterres-lu-olo-nian-moris-luta-iha-rezistensia-no-lideransa/
